مجبوس بحريني لذييييذ
اول شي جهزت حشوة لاي مجبوس
في مقلاة حطيت بصل بدون اضافة زيت او اي شي وبس بدا القاع يصير بني ضفت شوي ماءعشان يتوحد اللون ويتكرمل وكل ماجف الماء واغمق القاع اضيف ماء واكررها لين احصل على اللون المرغوب
اضيف الزبدة واضيف الحمص المجروش والمسلوق
اضيف البهارات مسمنة او مشكل و كركم وهيل والي يحب ليمون اسود ماضفت وملح واخيرا منقوع ماء الورد والزعفران
وتصير جاهزة اتركها على جنب
لعمل المجبوس:
في قدر حطيت زيت وبس يحمى اضفت البصل ( عدد٢) لين يذبل ويصفر ثم اضيف الثوم ( ٤ فصوص) وم ص معجون الزنجبيل وورق كاري وبهارات صحيحة وبس تطلع الريحة اضيف دجاجة منزوعة الجلد ومقطعة اثمان واحمسها معاهم دقيقتين ثلاث وبعدين اضيف فلفل بارد مقطع كبار وفلفل حار وعدد٢-٣ طماطم معصورة و م ك معجون طماطم واضفت م ص كل من بهار مشكل وكركم وكمون وكزبرة واقابها شوي ثم اضفت نص م ص ليمون اسود ومكعب ماجي او بديل الماجي التركي واضفت كزبرة خضراء وقلبته
اضيف ٥ ونص ك ماء و٣ م ص ملح وانركه يطبخ ١٥د ثم اضيف ٣ ك رز مغسول ومنقوع واخلي الحرارة عالية لين يختفي الماء وماينشف حطيت الزبدة ومنقوع الزعفران وماي الورد والحشو الي سويته خليته على جنب
قصرت الحرارة اقصر شي وغطيته وخليته ٣٠د وصار جاهز
ملاحظة البحرين مايحطون حشو الا بصل فالحشو اضافة من عندي انا احبه بهالطريقة وذكرت بالسناب
ويقولون ان هذا مجبوس بحريني بحاري لان الدجاج داخل اما لو طلعناه صار مجبوس بحريني
بعض البيوت البحرينية ماتحط الزعفران وماء الورد
المجبوس او الكبسة متقاربة في كل الدول وكل البيوت تفرق بعض الاضافات والبهارات الي تخلي الطعم يفرق