كبسه حايليه👌
هذي الوصفه من عروس الشمال حايل🌹

المقادير
كيلو لحم حاشي اولحم ضاني اودجاج حسب الرغبه _ بصله متوسطه مفرومه _ حبتين فلفل احمر اواخضر حار _ خمس حبات هيل _ ورقتين غار وسط _ ملعقه صغيره بهار حايل ( الطريقه تحت 👇 ) _ ملعقه صغيره صرار حايل ( الطريقه تحت👇 ) _ ملعقتين صغيره ملح _ حبتين طماطم مطحونه _ ملعقة طعام صلصة طماطم _ ربطة كزبره _ ثلاث كاسات رز مزه بفتح الميم طويل الحبه مغسول ومنقوع
الخضار:
حبتين باذنجان مقطعه شرائح كبيره بالطول _ ثلاث حبات كوسه وسط مقطعه شرائح كبيره بالطول _ حبة جزر مقطعه شرائح كبيره طوليه _ حبتين بطاطس وسط مقطعه شرائح طوليه كبيره _ وممكن قرع احمر اذا حبيتو بنفس الطريقه
خلطة الوجه:
بصله كبيره مفرومه نحمرها في شوية زيت ونضيف لها ملعقه صغيره ليمون اسود مطحون وشوية كركم اوزعفران وصرار حايل وملح
الطريقه
حمري البصل والفلفل والبهارات الصحيحه وضيفي اللحم اوالدجاج وقلبي وضيفي البهارات والملح والطماطم وصلصة الطماطم والكزبره واتركيها تطبخ خمس دقائق لمايتغير لون الطماطم وغطيها بالماء واتركيها تطبخ لمايستوي اللحم.
صفي المرق بالمصفاه وضيفي الخضار واتركيها تطبخ خمس دقائق ثم ضيفي الرز واتركيه لمايستوي.
بعد مايستوي اقلبي القدر في صحن كبير وهزيه لمايطلع كل الي داخله وطلعي الخضار بالملعقه ووزعي الرز وفوقه اللحم ورصي الخضار على الاطراف ورشي البصل المحمر وبالعافيه0