روزيتو بالروبيان والبينك صوص بطريقتي مو طريقة الطليان
المهم انها شي لذيذ لذيذ يبكي من اللذاذة
في قدر حطيت زيت زيتون منكه بالريحان اذا ماعندكم حطوا عادي
وحطيت بصلة وحدة مقطعة ناعم لين تذبل ثم ضفت حبتين مشروم مقطعين وربع فلفل رومي مقطع ناعم و فص ثوم ونحمس ثم ضفت الروبيان عدد٨ حبات وبس تغير لونه حطيت ملعقة معجون طماطم وفلفل اسود وبهار ايطالي
شوي وشلت الروبيان وضفت رز الاربوريو ( ماينفع مصري ولا لسان العصفور مايعطي نفس النتيجة)
لما يتغير لون حبة الرز اضيف مقدار لتر الا ربع مرق دجاج او خضار اهم شي مرق مو ماي بس اضيفه على دفعات كل مرة مغرفة لين يتشربه الرز واضيف الي بعده وهكذا وما انسى الملح وارجع الروبيانات واضيف في النص شوي مرة كريمه العمليه هذي بتاخذ نص ساعة كل ماتشرب الرز المرق ضفت مغرفة واستمر بالتحريك
بعدين اخر شي اضيف مقدار جيد من جبن البارميزان و ربع كوب كريمه واهدي الحرارة واغطيه ربع ساعة
الايطاليين يحبونه مو مرة مستوي يكون فيه طقة بس ماعليكم منهم مايعرفون للسنع انا خليته يستوي زين
ملاحظة الرز الاربوريو لايغسل ولا ينقع نبي النشا الي فيه يطلع ويعطينا القوام الكريمي
في ايطاليا مايحطون كريمة ابد