رز عزايم على طريقتي
غداي لاميمتي الله يحفظها ويشفيها ويعافيها
في قدر الضغط حطيت زيت وبصل ارباع وفلفل بارد قطع كبيرة وطماط ارباع وبهارات حب هيل واومي وقرفة ومسمار وورق غار حمسته شوي ثم ص
ضفت اللحم قطع كبيرة وبهار مشكل استخدمت بهارات القصيم من بن منقاش وبس ياخذ له لون اضيف الماء واضغطه حسب حجم اللحم انا ضغطته ساعة نحبه ذايب وبعدين افتح واحط الملح واخليه عشر دقايق يطبخ
اطلع اللحم واجهز له خلطه من ماء سلق الاحم ولون صفار وزمنقوع زعفران وبهار مشكل شوي وكركم وادهنه فيه وادخله الفرن يتحمر شوي
اصفي ماء السلق وحطيت فيه الفلفل الحار الاخضر والاحمر واكبس عليه الرز لما يختفي الماءاضيف عصير نص ليمونة ونص كاس حليب حسب توجيهات صديقتي ورد تميم يعطيه نطاعة ولون وحبة اطول وفعلا زوجي كان يقول هالمرة غير بس ماعلمتهم السر 😬
اجهز الحشو سمنة العتش ذوبتها وحطيت بصل لين اصفر ثم ضفت له بطاطس مقطع صغار ومقلي وحطيت عليه بهار مسمنه ومنقوع زعفران وشوي هيل وكركم وملح وممكن لون صفار الي يحب الي ماعندها بهار مسمنة تحط بهار مشكل
اخذت شوي من الرز وخلطته مع الحشو وحطيته على الرز من جنب لان مو الكل يحب الحشو
رشيت على وجه الرز منقوع زعفران وبهار تسكيرة القدر الي ماعندها تذر هيل وقرفة شي بسيط ونغطيه ونخليه على نار هادية نص ساعة وسلامتكم
تفننوا بالحشو ممكن تحطون فلفل بارد وجزر وممكن حمص مسلوق وتسوون كبدة تفننوا عاد