- 151
- 0
- السبت, 13 مايو, 2017 - 8 , مساءً
- التقييم:
الطريقة و المقادير
.
نحمس البصل في ثلاث ملاعق زيت وملعقة زبده بعد مايذبل نضيف الرز ( يكون الرز منقوع في المويه نص ساعه ) ونضيف رشة كركم وحبة ماجي وملعقة كبيره معجون طماط ونص ملعقة صغيره ثوم بودره ونص ملعقة صغيره بصل بودره وربع ملعقه صغيره فلفل اسود وملعقة صغيره سكر ورشة قرفه وملح وملون طعام اصفر ونحركه مع بعض ونتركه خمس دقايق على نار هاديه بعدين نضيف مويه مغليه ونتركه على نار عاليه لما يتشرب الرز المويه ونوطي عليه ونغطيه لحد مايستوي . .
الدجاج : نقطع صدور الدجاج شرائح طويله ونتبلها في زنجبيل بودره وثوم بودره وبصل بودره وملح وفلفل احمر وفلفل اسود ونضيف له بيضه ونقلبه في التتبيله بعدين نضيف له دقيق ونتركه ساعه او اكثر بالثلاجه بعدين نقليه في زيت غزير . .
الصلصه: خمس ملاعق كاتشب وملعقة عسل وملعقة خردل وملعقة صويا حلوه وملعقة سومطره واقل من ربع مكعب ماجي ورشة فلفل اسود ورشة ثوم بودره ورشة قرفه نحطهم بقدر ونحطهم على نار هاديه ربع ساعه وإذا كانت ثقيله نضيف عليها شوي مويه . .
ونحط الرز بصحن التقديم ونضيف عليه من الصلصه وفوقه نضيف قطع الدجاج ونحط عليه من الصلصه
