مقادير العجينة:

1كوب دقيق

1 بيضة

1 ملعقة صغيرة باكنج بودر

2 ملعقة طعام زيت

3 ملاعق طعام حليب بودرة

كوب ونصف ماء (ممكن تزيد أو تنقص حسب رغبتك بسماكة القرص)

رشة ملح

رشة أعشاب ايطالية ( اختياري)

الطريقة:

نخلط كل المقادير مع بعض بخلاط الكاس ماعدا الأعشاب تضيفونها للخليط وتخلطونها مع بعض بالملعقة.

اتركوا الخلطة ترتاح 10 دقايق على ماتحمون الصاجة (التاوة,المقلاة,جهاز البانكيك…اللي عندكم)

وبعدين صبي القرص ووزعي بأسفل المغرفة أو الملعقة عشان تبسطينه ومايصير متين.

الحشوة:

حشوة دجاج بالطريقة اللي تحبون ..

حشوتي: أكشن بصل مفروم ناعم وفلفل أخضر بارد مقطع صغير وأرشهم بشوية بهارات وملح وفلفل أسود

بعدين أضيف عليهم صدور دجاج مسلوقة ومنتفة صغير وقد فنجال قهوة من ماء سلق الدجاج بس عشان ارطب الخلطة وماتصير ناشفة.

إذا حابين تضيفون أي نوع أجبان للخلطة ممكن بس أنا ماأضيف.

نبدأ بحشو اللأقراص بخلطة الدجاج..

ممكن تدهنين الأقراص بخليط صلصة أو كاتشب أو شطة مع جبن سائل وترى غير ضروري أبدا. 🙂
ندهن الوجه بشوية معجون طمام مخفف بماء ومخلوط مع شوية زيت زيتون وملح ورشة أعشاب أو بهارات .

ونرشها بجبن الموزاريلا وممكن تخلطون موازاريلا مع تشيدر إذا تحبون.

(اضافة الجبن اختيارية)

ندخلها بالفرن على حرارة متوسطة بس تسخن ويذوب الجبن وبالعافية.