كوزي اللحم

كيلو لحم بعظم او دجاجه مقطعه انصاف
بصله كبيره مفرومه _ عود خولنجان متوسط وعودين قرفه وثلاث حبات هيل وحبتين قرنفل وورقتين غار _ قرن فلفل حار _ حبتين طماطم وسط مطحونه مع ثلاث فصوص ثوم _ علبه زبادي ( 170 غ ) _ ملعقه صغيره زعفران _ ملعقة طعام صلصة طماطم _ ملعقه صغيره لكل من كمون وفلفل اسود وكزبره ناشفه وزنجبيل وبابريكا وبصل بودر _ ملعقتين صغيره ملح اوحسب الرغبه _ ثلاث كاسات رز طويل الحبه مغسول ومنقوع
نص علبة مكرونه اعواد طويله مكسره من النص _ 5 بيضات مسلوقه _ حبتين طماطم وحبتين خيار مقطعه شرائح دائريه _ نص كاس لوز وزبيب عنب محمره بالزيت

الطريقه

حمري البصل والفلفل والبهارات الصحيحه ( الغير مطحونه ) وضيفي اللحم اوالدجاج وقلبي لما يتحمر وضيفي البهارات المطحونه والزبادي والزعفران وقلبي لدقيقه وضيفي الطماطم وصلصة الطماطم والملح وقوي النار لما يتغير لون الطماطم وضيفي كميه من الماء كافيه لاستواء اللحم وصفي المرقه وضيفي الرز واذا كان دجاج طلعيه وحمريه بالفرن وخذي من مرقة الرز وضعيها بقدر صغير على جنب وكسري المكرونه على المرقه وضيفي لها ملعقه صغيره كركم وخليها تطبخ على نار هادئه لماتستوي مع اضافة ماء اذا احتاجت وعند التقديم يغرف الرز واللحم اوالدجاج ويرش فوقه المكرونه والمكسرات والزبيب ويرص البيض والطماطم والخيار ويقدم وبالعافيه عليكم

الكوزي روعه بخروف كامل