الجبنية
  • 26
  • Loading
  • 0
  • الخميس, 11 مايو, 2017 - 6 , مساءً
  • التقييم:
الطريقة و المقادير

جبنيه خطيره ما في الذ منها 😋👍
.
المقادير:
٣ ملاعق جبنه سايله
٢ ملعقة طعام حليب بودره
١ ملعقة طعام سكر
١ بيضه
١ ملعقة طعام خميره فوريه
نص كوب ماء دافي
٢ كوب طحين >> استخدمت الكويتي
.
الطريقه:
نخلط جميع المقادير ما عدا الطحين .. و نخلطهم زين
ثم نضيف الطحين و نعجن وكل ما كثرنا عجن كل ما زانت 👍 ثم غلفيها بنايلون و خليها تتخمر ساعه
بعدها افرديها بالنشابه و قصيها بالشكل اللي تحبين .
نجي لمرحلة القلي..
ضروري يكون الزيت حار و غزير عشان تنتفخ الجبنيه 😍
شوفو بالفيديو كيف انتفخت لأن الزين حار لو. صار بارد ماراح تنتفخ مثل كذا
نزليها بالزيت و انتظري لين تتحمر من تحت ثم اقلبيها الجهه الثانيه
،
شيليها من الزيت و حطيها على ورق نشاف ثم حطيها بصحن التقديم و صبي عليها الشيره
او اذا تحبين قلبيها بالشيره ثم حطيها بصحن التقديم و بالعافيه ❤️