طريقه الحنيني السهل .. عباره عن عجينه وبعد ماتستوي نعجن معها التمر والزبدة .. .
طريقه العجينه .. نخلط بالعجانه .. كاسين دقيق بر + ٣ ملعقه كبيرة حليب بودرة + ملعقه كبيرة خميرة وبكنج بودر + ملعقه سكر + ذرة ملح بعد كيذا + بيضه + ماء دافي حتي نصل الي قوام اثقل من خليط الكيك واخف من عجينة الفطاير يعني نخلط شوي ونضيف ماء حتي نوصل للقوام المطلوب وبعدها نخمرها نص ساعه .. بعد التخمير ندهن المقلاه بالزيت ونحاول ننزل العجينه وايضا ندهن اليد بشوي زيت ونواسي الوجه ونخليها علي العين العلويه علي الغاز ونقصرررررر عليها مرة ونغطيها بغطاء وليش خبزتها علي العين حتي تكون اسرع من الفرن وبعد ماتستوي من تحت وتنضج علي طووول نفتتها بالشوكه ونستبعد القشرة السفليه القاسيه وبعد كيذا .. بقدر نعجن العجينه المفتته + نص كيلو تمر منزوع النوى+ نص اصبع زبده سايحه ونفركهم باليد او بالعجانه اسرع ونرجع الحنيني بالقدر ونغطيه وندخله بالفرن علي نار وسط من نص ساعه الي ساعه حتي تمتزج المكونات زززين .. وعند التقديم رشوووا علي الوجه شوي هيل يعطيه طعم فخم مممم .. واتمني اذا اعجبكم دعوه لي بظهر الغيب واي سؤال انا حاظرة يابعديّ انتم .