بسبوسة نورة 👌😋 .
اولا .. علبة القشطه هي المقياس اللي بنقيس فيه المقادير ..
بخلاط الكيك .. نخلط علبه قشطه + ٢ بيض + علبه سكر + ملعقة صغيره فانليا ونخلط هالمقادير خمس دقايق حتي يمتزج الخليط زين بعد كيذا + علبه زيت + ظرف كريم كراميل ونخلط شوي + علبه جوز هند + علبتين سميد + علبه حليب بودرة +ملعقه كبيره بكنج بودر واذا الخليط طلع معكم شوي ثقيل اضيفوا + نص بياله ماء .. .
وانا استخدم صينيه التيفال اللي يجي معها غطاء اصب نص خليط البسبوسه بالصينيه ثم نوزع عليها قشطه قيمر الحجم الكبير .. واما الجزء الثاني من خليط البسبوسه نخففه بعد بنص بياله ماء ونخلطه زين حتي يصير خفيف شوي ويسهل علينا توزيعه فوق القشطه واهم شي الجوانب نغطيها بخليط البسوسه زين حتي ماتطلع القشطه علي الوجه من حراره الفرن . وبعد كيذا ندخلها للفرن من تحت وبعدين فوق .. واول ماتطلع من الفرن وهي حارررره نقطعها وهي بالصينيه مربعات ونسقيها نستله ونقفلها علي طول بالغطاء حتي تتشرب النستله وتصيررر لينه وتذوووب بالفم وبعد ربع ساعه نفتح الغطاء ونجملها بالفستق .. وياجعلها مداخيل العافيه علي قلوبكم ❤️ ملاحظه تقدرون تحذفون علبه الحليب البودره اذا حابينها تصير خفيفه وانتم براحتكم