- 31
- 0
- الأربعاء, 10 مايو, 2017 - 5 , مساءً
- التقييم:
الطريقة و المقادير
✨برياني اللحم✨
كيلو لحم
بعد ما نغسل اللحم نحط عليه ملعقه وسط قرم مسالا و شويه ملح ونخليهم
نحط الجدر علي النار ونحط الدهن ونحمس ٤ بصلات كبار مقطعين شرايح قمريه لين تشوقر بعدها نحط راس ثوم مدقوق والجنجر قطعه مبشوره ونحط معاهم البهارات العدله ( هيل – مسمار – ورق غار – جوزة الطيب – دارسين) ونحط شويه نعناع وكزبره ونخلطهم ونغطي الجدر ٥ دقايق
بعدها نحط اللحم ومعاه حبتين طماط شرايح كبيره و البهارات ( ١ ١/٢ ملعقه وسط فلفل اسود – ملعقتين وسط كمون – ملعقه وسط كاري – مكعب ماجي)
نخلطهم ونغطي الجدر لمده ربع ساعه
بعدها نحط ( علبتين روب نضيف عليهم نص ملعقه وسط زعفران باكستاني)
بعدها نخليه ٥ دقايق ونصكر عليه
بعدها نضيف ملعقتين و نص وسط ملح
ونحط الماي الحار عليه ونخلية علي النار
نص ساعه
بعدها نرد نحط العيش ( كيلو)
وملعقه كبيره سمنة
نذوبها ونوزعها
ونصكرها لما ينشف الماي … اخر شي نقصر علي النار ونخلي تحته الحديده لين يتصكر ….. ✨خلطه الروب✨
بصله مكعبات صغيرة
طماطه مكعبات صغيره
شويه كزبره
٣ علب روب
ملح و فلفل
الطريقه
نخض الروب ونحطه بالماعون
ونحط معاه شويه ليمون و فلفل ويخلط
وبعدها نضيف عليه الطماط و البصل و الكزبره ويخلط.. وعليكم بألف عافية …
