- 212
- 1٬402
- الأحد, 4 مارس, 2018 - 12 , صباحًا
- التقييم:
الطريقة و المقادير
البطاط المهروس مع صدور الدجاج المشوي وصلصة المشروم
صلصة المشروم:🍽
حبة بصل مقطع جوانح نحمسها بقليل من الزيت وبعدها نضيف عليها فصين ثوم مفرومين وكوب من المشروم المقطع شرايح وبعدها نضيف عليه القليل من الصويا صوص ونص علبة قيمر ونص كوب ماء مذاب فيه ملعقه واحده طحين ونخليهم اشوي على النار ومن بعدها نشيلها
الدجاج :🍽
صدور دجاج مقطع شرايح رفيعة ومتبله بالملح والثوم المفروم ورشة بهار مجك الباربكيو ورشه من بهار مجك الفاهيتا والقليل من زيت الزيتون وبعدها نشوي الدجاح في مقلاة الشوي
البطاط :🍽
في مقلاة على النار نضع ربع قالب زبده وفصين ثوم مفرومين ومكعب واحد ماجي ورشة من بهار البابريكا وبعدها نضع البطاط المفيوح والمهروس ونخلطهم عدل وبعدها نضع عليهم ملعقتين كبار جبن كرفت سائل وخليهم دقايق على النار وبعدها نشيلها
الطريقه :
نحط طبقه من البطاط وبعدها القليل من الصلصه ومن بعدها الدجاج وبعدها القليل من الصلصه واخر شي البطاط المقلي ورش عليهم القليل من الكزبره المفرومه
وبالعافيه
