سينابون العجين خذت طريقتها من الشيف محمد الكلحه
مقادير العجين
٤ أكواب طحين
٢ ملعقه كبيره سكر
ملعقه وربع كبيره خميره
بيضه مخفوقه
قالب زبده ١٠٠ غرام بحراره الغرفه
ربع ملعقه ملح
ملعقه صغيره فانيلا سائله
كوب وثلث حليب سائل
نصف ظرف دريم ويب ويمكن الاستغناء عنه 🌸🌸🌸
خلطه حشو السينابون :
كوب سكر بودره
ربع كوب كاكاو بودره
ربع كوب قرفه مطحونه
ملعقه دريم ويب
ملعقه نسكويك
تخلط مع بعض وتحفظ في علبه وفي داخل الثلاجه وتستخدم في كل مره للسينابون 🌸🌸🌸
مقادير الخلطه البيضا :
نصف علبه حليب محلا
٦ حبات جبن كيري
٢ ظرف دريم ويب 🌸🌸🌸
مقادير اخرى :
زبده مذابه او بخاخ زبده
شوكلاته هيرشي سائل
جوز مجروش
الطريقة ؛
تخلط مقادير العجين مع بعض.. واخلي العجانه تعجن العجين تقريبا عشر دقايق كل ماعجن وقت اطول حصلنا ع عجين افضل .. نغطيها ونتركها تتخمر في مكان دافي تقريبا نصف ساعه الى ساعه
بعد ماتتخمر افرد العجين واقصها ع شكل مستطيل كبير .. ادهن الوجه ب الزبده احط خلطة الحشو واترك مسافه ١ سم ع الحافه بدون حشو حتى تتسكر بسهوله
وابتدي الف العجين وبعدين اقطعه ،، احط القطع واتركها تتخمر من جديد عشر دقايق قبل ماتدخل الفرن وفي هالاثناء اخلي الفرن يسخن ع درجه ٢٠٠
ادخل القطع الفرن ع الرف الوسط لمده عشر دقايق فقط من اسفل ودقيقتين من فوق
اول ماطلعها احطها في حافظه و اسكر عليها كذا خمس دقايق بعدين ازينها ب الصوص الابيض و شوكلاته هيرشي و جوز مجروش وبس ❤️