كفتة البيتزا ~🍕
.
طعمها لذيذ وتتفرزن
المقادير:
٣ حبات بطاطس كبيره مسلوقه
زيتون اسود او اخضر شرايح مقطع صغار
فلفل رومي مقطع صغار
جبن موزريلا المبشوره
ملعقتين كبار كاتشب
شوي ملح
فلفل اسود
٢جزر مبشور
بهارات

التغطيه:
دقيق
بقسماط
بيض

الطريقه:
اول شي نقطع البطاطس لنصفين ونسلقه بماء فاتر
وشوي معجون طماطم عشان القدر مايسودوشوي زيت
طبعا الكميه اللي تبينها ٤٥ دقيقه او لما تتاكدين انها انهرست اغريي السكين فيها وشوفي اذا كانت قاسيه بعد خليها عشر دقايق وتاكدي منها انها انسلقت صح
نقشرها ونهرسها بالهراسه او السكين
ونجيب الفلفل ونفرمه او نقطعه صغار مره
والزيتون بعد نقطعه صغار ونبشر الجزر
نضيفهم للبطاطس
الفلفل والجزر وجبن الموزاريلا والزيتون وملعقتين كاتشب وطبعا ماننسى الملح والبهارات والفلفل الاسود ونقلبها زين ثم نكورها ونغمسها اول شي في البيض وبعدين في الطحين وبعدين في البيض مره ثانيه وبعدين في البقسماط
وبعدها ندخلها الثلاجه عشر دقايق قبل القلي
صراحه استغنيت ان خطوة الدقيق فصارت الكفته خفيفه بالزيت ولينه فالافضل تمشون بنفس الخطوات
وتقلونها بالزيت وتقدم مع الليمون
تتهنوا فيها يارب
دعواتكم