- 46
- 0
- الإثنين, 23 أكتوبر, 2017 - 2 , مساءً
- التقييم:
الطريقة و المقادير
جبنيه ~
.
لذيذه لكن مقدار العجينة كثير راح اقسمها لكم تحت .
المقادير :
3 اكواب دقيق كويتي وراح نحتاج زياده
بيضتين
كوب ماء
ربع كوب زيت
ملعقه كبيره خميره فوريه
3 ملاعق كبيره حليب بودره
نصف ملعقه كبيره باكنج باودر
4 ملاعق طعام جبن سايل
الطريقه :
ننخل جميع المقادير الناشفه مع بعض ثم نضيف الزيت والماء والبيض والجبن السايل ونعجن حتى تتماسك لو باقي تلصق بيدك ضيفي دقيق حتى تتماسك بس ماتكون قاسيه لا ثم ادهنيها بزيت وخليها تخمر ربع ساعه بعد نبدا نقسمها نصفين واخذ الاول وافرده بس مو نحيف مره اخليه شوي ماين و نقطعها بالقطاعات الاشكال او بالعجله على شكل مربعات ويكون الزيت مسخن من قبل بس ماتكون ناره عاليه لا وسط ونبدا نقليهم على دفعات ونرش كل جبنيه بالزيت حتى تنتفخ حتى تتحمر ونحطهم بصحن على ورق نشاف بجنب بعض بدون مانغطيهم ونرش عليهم عسل وتقدم
نصف الكميه :👌🏻
كوب ونصف دقيق ويمكن نحتاج شوي
بيضه
نصف كوب ماء
ملعقه كبيره زيت
نصف ملعقه كبيره خميره فوريه
ملعقه كبيره ونصف حليب بودره
ملعقه صغيره باكنج باودر
ملعقتين جبن سايل .
