دوناتي

العجينة:
العجينه القطنيه موجوده بحسابي روعه للدونات تلاقوها بالصوره الي جنب الوصفه. .
نسوي العجينه وبعد ماتخمر نفردها على سطح طاوله مرشوشه بشوية دقيق وبارتفاع نص سم ونقطعها بقطاعة الدونات او بقطاعه دائريه والفتحه الي جوه باي غطا دوا صغير وغطيها بسفره وخليها تخمر ثلث ساعه وسخني الزيت في العشر الدقايق الاخيرة من الثلث ساعه حقت الاختمار وخلي النار هاديه واقليها بهدوء عشان تعطيك شكل مرتب واذا شقرت اقلبيها وحطيها على ورق تنشيف للزيت.
تغطية الدونات: بخلاط البصل بياض بيضه وربع كاس ماء وثلاث كاسات سكر بودرة وربع قالب صغير زبدة وملعقه صغيرة مليانه فانيليا بودرة واخلطيها لما تتجانس وقسميها في اوعيه صغيرة على حسب الالوان الي بتحطيها وخلي واحد ابيض بدون وغمسي الدونات فيها وحطيها فوق الطاوله عشان تنشف اوبالفريزر اسرع لدقايق وبالعافيه عليكم حبايبي.
فيه التغطيه الجاهزة حقت بيتي كروكر لتغليف الكيك قلت لكم عليها اول كمان روعه خذوا الابيض الي بالفانيليا وقسموه وحطو له الالوان ولاتكثرون اللون انا خليتها فاتحه.
والي بالشوكلاته ذوبي كاس حبيبات شوكلاته مع نص علبة قشطه وغمسي فيها الدونات ورشوا عليها قرفه اومكسرات اوحلويات.
وهذي نص كمية التغطيه للدونات حسب تقديري.
بالخلاط نص بياض بيضه وسبع ملاعق ماء وكاس ونص سكر بودرة وثمن قالب صغير زبدة ونص ملعقه صغيرة فانيليا