الكنافه المبرومه
كنافه _ سمنة المراعي اواي سمنه اوممكن زبده

الحشوه : بقدر نضع كاسين ماء واربع ملاعق طعام حليب بودره وثلاث ملاعق طعام مليانه نشا ونقلبها ونضعها على النار لما تثقل ونضيف لها علبة قشطه قيمر الكبيره اوقشطه عاديه والي يحب يضيف ماء ورد وتقلب مضبوط لما تتجانس.
او ممكن تكون الحشوه فستق صحيح او بندق اولوز مكسر

الشيره : كاس وربع ماء وكاس سكر وملعقه صغيره عصير ليمون. تغلي على نار متوسطه لما تبدا تثقل شوي ونطفي عليها. وممكن تزيدوها ملعقتين عسل عشان تعطي لون ذهبي.
الطريقه

احضري خيوط الكنافه ورشي عليها السمنه واضغطي عليها ضغط خفيف لدخول السمنه. افرديها على سطح مستوي وشديها قليلا من فوق وتحت عشان يصير شكل الخطوط مرتب اثناء التشكيل ويكون عرضها بعرض الكف اواقل شوي وضعي الحشوه على طول الكنافه وامسكي طرفها الي فوق ولفيه بشكل مايل وكملي لف الكنافه وشدي اللف بالراحه من تحت وفوق باتجاهين متعاكسه كانك تعصرين ملابس ورصيها في صينية فرن مستطيله وادهني سطح القطع كامل بالسمنه ودخليها فرن حار من تحت لربع ساعه او لما تتحمر وحمريها من فوق وبعد ماتبرد صبي عليها الشيره وقطعيها وبالعافيه

الطريقه الثانيه
تفردي الكنافه بعد رشها بالسمنه نفس الطريقه الاولى وبجنبك مقص ومع بداية طرف الكنافه حطي ملعقه من الحشوة ولفيها شوي وقصي بالمقص وبنفس الطريقه كملي احشي ولفي لما تنتهي قطعة الكنافه وهكذا ورصيها بصينيه بجنب بعض وادهني سطحها بالسمنه وبفرن حار لما تتحمر من تحت وبعدين من فوق وتسقى بالشيره وبالعافيه