المناقيش
العجينه:
ثلاث كاسات ونص دقيق اوممكن ازود شوي اذا كانت بالعجانه _ كاس وثلاث ارباع الكاس ماء _ ملعقة طعام خميره فوريه _ ملعقة طعام سكر _ ملعقتين طعام حليب بودره _ ملعقه صغيره بكن بودر _ ملعقه صغيره ملح.
الحشوات :
زعتر مع قليل زيت زيتون.
بيض وجبن شدر مبشور.
لبنه اوجبن فلادلفيا وعسل.
جبن موزوريلا.
حشوة بيتزا خضار.
جبنه بيضا وزيتون.
الطريقه

اخلطي الماء والخميره والسكر وضيفي الحليب والبكن بودر وقلبي ثم ضيفي الدقيق والملح واعجني لعشر دقائق باليد اوسبع دقائق بالعجانه حتى تحصلي على عجينه متماسكه نوعا ما وتلصق باليد. اذا كانت العجينه سايله وماتقدري تتحكمي فيها ممكن تزيدي شوية دقيق وبعد ماتعجنيها ادهنيها بشوية زيت زيتون من برى وغطيها واتركيها ساعه لتخمر.
رشي سطح طاوله بالدقيق وقطعي العجينه لكور بحجم البيضه مرتين ولمي اطراف كل كره للاسفل وافردي كل كره لدائره واتركيها جانبا.
اشعلي العين العلويه للفرن وسخني مقلاه مسطحه على نار اقل من متوسطه وضعي قرص العجينه على المقلاه واحشيها باي حشوه تحبين وبعد ماتتحمر شوي نزليها بصينية فرن مفتوحه ودخليها الفرن تتحمر وضروري يكون الفرن مسخن من قبل عشان ماتاخذ المناقيش وقت وتنشف.
بالنسبه لحشوة البيض اذا وضعتي قرص العجينه بالمقلاه طلعي له حواف عشان ماينزل البيض منه واخفقي البيضه وصبيها على العجينه وبعد ماتتحمر العجينه من تحت نزليها الفرن بنفس المقلاه ليتماسك البيض وبعد ماتطلعيها رشي عليها جبن الشدر وقليل كزبره مفرومه .
بالنسبه لحشوة اللبنه اوالفلادلفيا اخبزي قرص العجينه وحمريه بالفرن وطلعيه وادهنيه باللبنه اوالجبنه ورشي عليه قليل من العسل.
تقدم مع الشاي وبالعافيه