ساندوتشات كودو

اربع صدور دجاج مقطعه مكعبات صغيره _ بصله كبيره مقطعه جوانح _ حبة فلفل رومي كبيره مقطعه مربعات صغيره _ ثلاث فصوص ثوم مفرومه _ قرن فلفل حار مفروم حسب الرغبه _ ثلاث ملاعق طعام صويا صوص _ ملعقة طعام ورشستر صوص وممكن الاستغناء عنه _ ملعقه صغيره ونص فلفل اسود _ ذرة ملح عند الحاجه.
خبز صامولي من النوع الكبير

لدهن الساندوتشات: ملعقتين طعام مايونيز وملعقتين طعام ماسترده ( خردل ) تخلط مع بعض

ثلاث ورقات خس مقطعه شرايح طوليه رفيعه
الطريقه

في مقلاه عميقه سخني ربع كاس زيت زيتون وضيفي لها الدجاج وقوي النار وقلبي لما يتحمر الدجاج وخفضي النار واتركيه لما يستوي مع التقليب تقريبا عشر دقائق.
ضيفي الثوم والفلفل الحار والصويا والورشستر وقلبي لدقيقه وقوي النار وضيفي البصل والفلفل الرومي وقلبي لخمس دقائق وضيفي الفلفل الاسود وقلبي واذا احتاج ملح ضيفي شويه ولاتكثرين لان الصويا مالحه وبعد مايذبل البصل شوي طفي النار واتركيه جانبا. افتحي خبز الصامولي مع الجنب وادهنيه بمسحه خفيفه من خليط المايونيز ورشي عليه شوية خس وضعي ملعقتين مليانه من الحشوه ووزعيها وممكن تضيفين لها شرايح طماطم وشرايح جبن شدر وممكن ترش بقليل كتشب حسب الرغبه وتقدم مع سلطة سيزر وبطاطس مقليه اومشويه وبالعافيه عليكم حبايبي