- 28
- 0
- الخميس, 21 سبتمبر, 2017 - 12 , مساءً
- التقييم:
الطريقة و المقادير
بطاطس بصلصة الجبنه
حبتين بطاطس كبيرة مقشرة نسويها كرسبي ( نقطع البطاطس كل واحدة الى نصفين بالعرض ونسلقها عشر دقايق ونطلعها من المويه ونخليها خمس دقايق تبرد وتقطع بالشكل الي تحبوه وعلى جنب في وعاء نحط كاس ماء ونص كاس دقيق وشوية اوريقانو وبابريكا وفلفل اسود وملعقة صغيرة ملح و خمس فصوص ثوم ونقلبها ونضيف لها البطاطس ونخليها نص ساعة ونسخن الزيت ونقلاها )
صلصة الجبنه:
في قدر صغير نحط كاس حليب سايل وملعقة طعام دقيق وربع ملعقة صغيرة سكر ونقلب لما تثقل ونضيف لها ملعقتين طعام زبدة و ست شرايح جبن شدر الي لونها برتقالي وممكن العادية بس عشان اللون وممكن كاس جبن شدر مبشور زي ماتحبوا وذرة ملح واوريقانو اوبهارات ايطاليه وفص ثوم مهروس وصلصة فلفل حار اي نوع اوممكن فلفل حار احمر مسحوق (اختياري الفلفل) ونقلب لما تذوب الجبنة وتقدم حالا وبالعافيه
اذا زاد كمية من الجبنة حطيها بالثلاجه وغطيها بنايلو تغليف واذا احتجت حطيها بالمايكرويف اوذوبيها بقدر على النار.
ممكن تستبدلوا الحليب والزبدة بكاس كريمة طبخ