مقبلات شهيه منوعه
توست_ قطاعات اي شكل متوفر_ لبنه_ مايونيز_وللزينه سماق وزعتر.
الطريقه

قطعي التوست بقطاعات صغيرة وقطعي مرتديلا مدخنه بنفس القطاعات وجبنه شرايح بنفس القطاعه وادهني التوست بشوية مايونيز اوماستردة (خردل) اولبنه وحطي طبقه توست ومرتديلا وفوقها شريحة جبنه وفوقها توست وزينيه بحبة زيتون او ورق بقدونس وتحته نقطة مايونيز عشان يمسك.
الاشكال المربعه نفس طريقة الي فوق بس دهنتها من برى لبنه ورشيت عليها سماق وبعضها زعتر والي يحب يغلفها كزبرة اوبقدونس مفروم او جزر مبشور او حسب ذوقكم
القسم الثالث قطعت اطراف التوست ودهنتها مايونيز اولبنه وحطيت شريحة مرتديلا ولفيتها وثبتها بعود اسنان وفوقه زيتون.
وممكن تعمليها كيكة برص طبقه من شرائح توست منزوع الحواف ويدهن بلبنه ومايونيز مخلوطه ويوضع فوقها شرائح مرتديلا وجبن شرائح وفوقها طبقة توست مدهونه بنفس الخلطه وتكرر الطبقات حسب الرغبه وتغلف الطبقات بخليط اللبنه والمايونيز كامل الوجه والاطراف وتزين بالخضار والسماق والزعتر وتترك بالثلاجه لتبرد وتقدم👌😍 بالنسبه لمقبلات التوست ترص بطبق وتزيين بورود من الطماطم او الجزر اوشرايح خيار. الجزر قشرته بالطول وصفيت كذا شريحه فوق بعض ولفيتها صارت بشكل الورده والطماطم تقشر بقشره خفيفه متواصله للنهايه وتلف وتعطي شكل ورده.
نغلفها بنايلو ونبردها بالثلاجه وتقدم كمقبلات اوفطور وبالعافيه