مطبق باللحم المفروم
المقادير
بصل
لحم مفروم
ملح
بهارات
شده بقل ( كراث )
طماطم مقطعه مكعبات صغيره
٣ بيضات
شرائح سمبوسه بالزيت ،،
خليط الالصاق( طحين مع شوي ماي )
الطريقه :
يشوح البصل مع قليل من الزيت الى ان يذبل
تضاف البهارات واللحم المفروم
والملح يترك الى ان ينضج
نقطع الكراث قطع صغيره ( يفضل يكون كميه كبيره ) وتخلط مع اللحم
ثم تضاف الطماطم المقطعه و البيض وتخلط مع بعض و كذا يكون خلصنا الحشو
ناخذ شرائح السمبوسه و نحطهم فوق بعض على شكل (+) نضع الحشو في الوسط ( نقطه تقاطع الخطين 😂 قلبنا رياضيات 😅) المهم وصلت المعلومه ههه
المهم
نحط الضلع الاول فوق مربع اللي بالمنتصف
ونحط فوقه من خليط الالصاق حتى يلصق و يطلع مرتب
وبعدين الضلع الثاني و خليط الصاق فوقه والثالث وخليط والرابع لين يتكون عندنا شكل مربع ✳️
وكذا لين تخلص كل الكميه .. ندهن صاج ب زيت خفيف و تحمر من الجانبين
وممكن تسوينها بالفرن تدهنين الصينيه وتحطينهم و تمسحين ع كل قطعه شوي زيت ،، وبعد ممكن في قلايه فيلبس تمسح كل قطعه بقليل من الزيت وتوضع في الاله
ع درجه حراره ١٦٠
يقدم مع ليمون وبس بالعافيه 👍