اصابع البطاطس الهنديه
بصل
فليفله
جزر
بقدونس و كزبره
بزاليا
مكعب ماجي خضار عند الرغبه
بهارات
فلفل اسود
باربيكا
كمون
بهار تندوري ( بهار هندي حار ) اللي مو متوفر عندها تكثر فلفل اسود او تطحن فلفل حار وتحطه معاه لو تحبه حار
بطاطس
ملح
بيض
بقسمات
ملعقه معجون طماطم
الطريقه :
يقشر البطاطس و يقطع مكعبات صغيره و يسلق الى ان ينضج
في هذه الاثناء اقطع البصل مع الفليفله صغار واحطه في شوي زيت ع النار
اضيف له البقدونس و الكزبره المقطع واحرك الى ان يذبل
اضيف مكعب الماجي مع البهارات واحرك
احط معجون الطماطم واحركه شوي واخيرا اضيف الجزر و البازاليا واتركه شوي ع نار هادئه
اذا نضج البطاطس اصفيه عن الماء
يبرد شوي بعدين اخلط معاه الخلطه
اشكله ع شكل اصابع
احطه عشر دقايق كذا في الفريزر حتى مايخترب شكله مع التغميس
اغمسه في بيض بعدين بقسمات
واقليه ممكن تسوينه بيهار عادي اذا ماتبينه حار اهم شي في القلي ٣ نقاط :
١- الزيت يكون غزير
٢- يكون ساخن جدا جدا جدا مثل اذا بتسوين لقيمات ساخن و غزير
حتى مجرد احط البطاطس يتحمر لانه يكون الزيت غمره كله ولا يشرب زيت ابدا 👍 ٣-ماقلبه الا بتحريك المقلى شوي ماستخدم ملعقه ولا شي حتى مايتفتت واشيله 🌹 هذي النقاط نفسها تستخدمينها في قلي الكبه حتى ماتتفتت 😊وبس يقدم بالعافيه