سمبوسك البف
وطريقه تفريزها ل شهر رمضان المبارك 🌙⭐️
المقادير ؛
٣ كاسات طحين
ثلث كاس زيت
ملح
اللي يحب يضيف بيضه واللي مايبي عادي والبعض يضيف ملعقه نشا هالشي يرجع لك 😊 ماء للعجن
الحشو :
دجاج مفروم
بصل
جزر مبشور
مكعبات بطاطس مقليه
بقدونس وكزبره
بهارات
فلفل اسود
ملح
كمون
جبن شذر مبشور انا احب نوع المراعي يذوب بسرعه
الطريقه ؛
يخلط الزيت والبيضه والطحين والملح
يضاف الماء بالتدريج لين نحصل على عجينه
العجين راح تكون قاسيه شوي
نتركها كذا نصف ساعه ترتاح و تلين
في هالاثناء نجهز الحشو .. نفرم البصل ونحطه مع شوي زيت ويقلب الى ان يذبل
يضاف البهارات والفلفل الاسود والكمون
نضيف الدجاج والجزر ونقلب نتركه ع نار هادئه لين ينضج
اذا نضج نضيف البطاطس و البقدونس وجبن شذر المبشور و يقلب نتركها تبرد بعدين نحشي فيها
طبعا هالحشو لذيذ استخدمه في السمبوسه و السبرنغ رول ..
وممكن تستخدمين اي حشو تحبينه لحم ، جبن ، خضار اي شي ،، نفرد العجين بشكل رقيق ..
نحط فيها الحشو ونسكرها عدل ونقليها في زيت غزير و ساخن .. ممكن تفريزها ل شهر رمضان .. بعد مانشكلها نحطها في صحن كبير فيه رشه طحين حتى مانلزق فيه ونحط القطع جنب بعض ونحطها في الفريزر .. اذا جمدت نحطها في اكياس و بكذا نضمن انها ماراح تتلزق مع بعض
نكتب ع الكيس التاريخ ونوع الحشو لو مسويه انتي اكثر من نوع ..
طريقه القلي بعد التفرزن
نطلعها عشر دقايق بس يعني مو تذوب
بس شويه تفك عشر دقايق و نقليها في زيت طبعا هالطريقه نفسها في السبرنغ رول و السمبوسه وبس 🌹