قطايف ..

المقادير : ٣ كاسات طحين
ملعقه طعام خميره فوريه
رشة ملح
ملعقه طعام باكنج باودر
كاسين ونصف ماي
ملعقتين سكر
نخلط المقادير مع بعض ونخليها تتخمر نصف ساعه
الحشو قشطه بيتيه جربوها لذيذه 👌
المقادير
كاس ونصف ماء ،،
كاس حليب بودره
ملعقتين ونصف طحين
٤ ملاعق سكر
قشطه
ماء زهر
ربع كاس زبده ( نصف قالب)
طريقه القشطه ؛
نخلط الزبده + الماء+ الحليب + الطحين + السكر
نحركها ع النار لين تثقل واذا صارت ثقيله تطفي النار ونضيف ملعقه صغيره ماء زهر و قشطه ونخلطها عدل
نحطها في حافظه و نسكر عليها ونحطها في الثلاجه تبرد
طريقه القطايف :
ندهن الصاج ب زيت خفيف
ونخليها تسخن .. ناخذ مقدار ثابت كل مره حتى تطلع بنفس الحجم تقريبا .. نحطه ع الصاج و نمسح ب الملعقه عليه ب حركه دائريه
اذا طلعت الفقاعات ع السطح نقلبها ونضغط عليها شوي ونشيلها ع طول
ممكن تستخدم مثل الشكل في الصوره نحشيها و نسكر نصفها مجرد الضغط ع الاطراف ب قوة ونحط فوقها فستق ع الوجه و رشه قطر وبس تقدم
او ممكن نحشيها و نسكرها كلها ع شكل نصف دائره ونقليها بالزيت قليل مجرد تقليب بسيط تسقى بالشيره و تزين بالفستق وبس اللي تريحك من الطريقتين سويه 👍