كيكه ايس كريم فيروروشيه
كيكه بيتي كروكر بالشوكلاته
علبه قشطه
علبه زبادي صغيره
ظرف دريم ويب
٣ ملاعق كاكاو بودره
ملعقه نسكافيه
نصف كاس حليب سائل
انا هنا راح اضيف للخليط ٦ حبات شوكلاته فيروروشيه و ممكن الاستغناء عنه
الطريقه :
تخبز الكيكه حسب التعاليم الموجوده ع الكرتونه
اذا نضجت و بردت شوي
نحدد ١ سم تقريبا من كل الجهات ب السكين
نحفر الكيكه من الوسط بس مانوصل للقاع نخلي شوي من الكيك في القاعده
نشيل الكيك اللي شلناه ونحطه بالخلاط
ونضيف عليه باقي المقادير
الزبادي، القشطه ، الحليب السائل المذوب فيه النسكافيه ، الكاكاو بودره، الفيرورشيه ، الدريم ويب ونخلطهم بالخلاط
نحط الخليط في المكان الفارغ في الكيكه ( في الوسط )
ندخلها في الفريزر لمده ٤ ساعات
بالنسبه للتغطيه او التزيين
فهو شي يرجع لك
١- ممكن بس كذا تبشرين من
فوق شوي شوكلاته و تزين به
مع مالتيزر
٢-ممكن قشطه مع جالكسي
و يصب و يساوى السطح من فوق
٣- وممكن التغطيه ب شوكلاته الغاناش
وهذا اللي راح اغطيها به
الغاناش او الجاناش : كاس كريمه خفق الحلويات
نحطها ع النار لين تسخن شوي بدون غليان واطفي النار وبعدين اضيف
كاس او كاس وربع شوكلاته مبشوره او مقطع قطع صغيره ( شوكلاته خام ) حتى تذوب بسهوله واحرك لين تذوب الشوكلاته بالكامل ويصير عندنا خليط متجانس
واخليها تبرد شوي بعدين راح اغطي فيها الكيكه احط الكيكه فوق شبك واحط فوقها خليط الشوكلاته
واتركها تبرد في الثلاجه شوي
وبعدين بزينها ب شوكلاته فيروروشيه وبس ❤️