كفته الدجاج بالفرن ،، ع طريقه الشيف منال العالم
المقادير ؛
صدور دجاج بدون عظم او جلد مقطعه مكعبات صغيره جدا ،، بيضه
٢ ملعقه طحين
بهارات دجاج
ملح
فلفل اسود
باربيكا
ربع كاس مايونيز
٢ بصل متوسط مفروم
٢ فص ثوم مهروس
بقدونس وكزبره
شطه مجروشه عند الرغبه
نخلط المقادير مع بعض بتكون عجينه لينه شوي
نسخن في مقلا شوي زيت او زيت زيتون
ناخذ دائره من خليط الدجاج ونحطه في المقلا يصير ع شكل همبرغل دائره مسطحه و هكذا لين يمتلي المقلا نقلبه ع الوجهين لين يتحمر بيكون الدجاج استوى نصف استواء بيكمل سواء في الفرن بعدين .. اما المقلا اللي سويت فيه كفته الدجاج نحطه ع جنب بنستخدمه في الخلطه
مقادير الخلطه اللي فوق الكفته
مشروم مقطع
جبن شذر مبشور
جبن موزريلا
طماطم حلقات ،، شرائح بصل
الطريقه ؛
نحط شرائح البصل في المقلا اللي سوينا فيه الدجاج
ونحرك لين يذبل شوي ونحط معاه المشروم وشوي بهار ورشه اوريغانو
نقلبهم لين يذبلون ونحط الكفته في صينيه
بعدين فوقه البصل والمشروم
ولعدين نحط فوقهم حلقات الطماطم
والجبن الشذر المبشور و جبن الموزريلا ورشه اوريغانو من فوق و اغلفها بالقصدير وع الفرن من تحت لين تتسبك كلها مع بعض
وبس 😊🌹