مصقعه بطريقه تقديم مختلفه ..
المقادير :
باذنجان مقشر بشكل مقلم ( مخطط ) جزء اقشره وجزء لا واقطعه شرائح عريضه شوي
لحم مفروم
بصل
فلفل اسود
بهار
بصل ، فلفل اخضر بارد
طماطم مطحون
معجون طماطم
زيت زيتون
بهارات للصلصله ( ثوم بودره ، بصل بودره ، باربيكا ، بهار كاري ، فلفل اسود )
الطريقه :
اقلي الباذنجان واحطه ع ورق مطبخ للتخفيف من الزيت
احط البصل مع شوي زيت ع النار واقلب لين يذبل
احط البهار و الفلفل الاسود
واحرك شوي بعدين احط اللحم المفروم و الملح واتركه لين ينضج ع نار هادئه ،، واجهز الصوص
احط زيت الزيتون مع معجون الطماطم ع النار واقلب شوي وبعدين احط البهارات ( ثوم بودره ، بصل بودره ، باربيكا ، بهار كاري ، فلفل اسود، ملح ) واحرك ،، بعدين اضيف طماطم مطحون واخليه بس شوي ع النار بس مابيه يتسبك
احط الباذنجان في صينيه
احط فوق كل قطعه باذنجان ملعقه لحم مفروم
بعدين فوقه شوي من الصلصله الصلصله الباقيه احط فيها شوي ماي واذا باقي من اللحم المفروم احطه معاها
واصب الصلصله في الصينيه مو ع الباذنجان لا في الصينيه واغلفها بالقصدير
وادخلها الفرن من تحت وبس تزين بالبقدونس و تمتعو باحلى مصقعه 👌 بالعافيه ،،