كوسا باللحم المفروم

.. مقادير الحشو :
لحم مفروم
بصل
فلفل اسود
بهارات
ملح
الطريقه يقطع البصل قطع صغيره ويوضع مع قليل من الزيت ع النار ويقلب لين يذبل
تضاف البهارات والفلفل الاسود ويحرك .. يضاف اللحم المفروم و الملح ويترك ع نار هادئه لين ينضج تماما .. مقادير الصلصله:
كوسا
بصل مقطع قطع صغيره
فص ثوم
فلفل اخضر بارد
عصير نصف ليمونه اذا تحبونه حامض اذا ماتحبون تقدرون تستغنون عنها
٢ طماطم مطحونه
معجون طماطم
ملح
بهارات
الطريقه :
يغسل الكوسا جيدا ثم يقص راس الكوسا ويحتفظ به (بذكر السبب ) يحفر الكوسا ونحتفظ ب اللب المفرغ مانرميه .. يحشى باللحم المفروم ،، ناخذ راس الكوسا اللي قصيناه ان شاء الله فهمتو اللي اقصد😅 و يقص بما يتناسب مع حجم الفتحه و احطه داخل الفتحه حتى مايطلع اللحم مع الطبخ
خططت الكوسا بالشوكه شكل طبعا اللي مايبي لايخطط😅
بعدين ناخذ البصل والثوم مع شوي زيت لين يذبل
نضيف البهارات و معجون الطملطم ونحرك شوي
بعدين الطماطم المطحون واحط اللب اللي شلناه من الكوسا مع المرق و اخليه ياخذ دقيقه بس بعدين احط الكوسا فوق الحمسه و احط كاس ماي او اكثر حسب كميه الكوسا اللي بتسوينها
احط عصير الليمونه واهم شي لاتنسون الملح و اخليه لين ينضج .. انا اسويه في جدر الضغط ماياخذ وقت ابدا
وبس