- 135
- 0
- الثلاثاء, 8 أغسطس, 2017 - 2 , مساءً
- التقييم:
الطريقة و المقادير
ايدام باكستاني
.. هي وصفه بالدجاج بس سويتها ع الروبيان والنتيجه بعد لذيذه 👍 جربوها ع الغدا وعطوني رايكم 😃👏
وطريقه الدجاج موجوده في حسابي تحت شوي
المهم ماطول عليكم 👌
المقادير :
روبيان منظف الظهر و مغسول ،، نصف كاس بقدونس
شوي كزبره
علبه زبادي
حبه طماطم كبيره
مكعب ماجي ( يمكن الاستغناء عنه ) اذا ماراح تحطين بتضيفين ملح
معجون طماطم تقريبا ٤. ملاعق كبيره
بصل مقطع صغار
بهار ، زنجبيل
فلفل اسود
انا احب اضيف ملعقه كبيره خلطه البرياني من منتجات mf
وطبعا تقدرون تستغنون عنها بس انا اضيفها نكهة الطريقه ؛
نحط في الخلاط ( الزبادي ، معجون الطماطم ، كزبره و بقدونس ، الماجي ، الطماطم ) ويطحن عدل عدل ونتركها ع جنب
يقلب البصل قليلا لين يذبل
نضيف البهارات والفلفل الاسود و الزنجبيل ونقلب ونحط الروبيان وع نار هادئه نتركه دقايق مع التقليب
نضيف الخلطه اللي خلطناها مع خلطه ام اف اذا متوفره (عندكم تباع في التميمي)
وتقريبا نضيف نصف كاس ماي لان الروبيان ماياخذ وقت في النضج من ٥-١٠ دقايق بس نحطها ع نار هادئه لين ينضج الروبيان و تتسبك
تقدم مع رز ابيض وتزين بالبقدونس وبس بالعافيه
