طريقتي المعتمده في اللقيمات❤️ :
٣ كاسات طحين
٣ ملاعق نشا
٣ ملاعق حليب بودره
٣ ملاعق كاسترد
٢ ملعقه سكر
ملعقه كبيره خميره
بيضه
كاسين ماي تقريبا .. ملعقه صغيره فانيلا سايله اللي تحب تضيف زعفران او حبه سوده بس عيالي مايحبونهم 😐 ف ماحطيت
الطريقه ؛
نذوب السكر والخميره في كاس واحد ماي دافي ( مو ساخن )
ونغطيها وتتركها تتفاعل في مكان دافي عشر دقايق
هالخطوه مهمه حتى اشوف الخميره اللي عندي مضبوطه او لا
اذا مضبوطه و راح تنجح معاي العجين راح تتفاعل الخميره و يتكون ع السطح فقاعات
المهم بعد ماتتفاعل
بحط الحليب بودره و النشا و الكاسترد و البيضه والكاس الثاني من الماي بخلط
بعدين الفانيلا و الطحين و اخلطها عدل وبعدين اغطيها واتركها تتخمر عدل لمده ساعه تقريبا طبعا ممكن تختصرون هالكلام كله واخلطون كل شي ع بعضه وتتركونه يتخمر بس انا اسوي كذا اسرع في التخمير و حتى اتاكد من صلاحيه الخميره ❤️ بعدين اسخن زيت غزير واخلط العجين مع بعضه عدل وابتدي اشكل فيه
احط فيه دائره وحده اذا شفتها ( صعدت ع وجه الزيت ) احط الباقي واقلب لين يتحمر عدل
واشيله
ممكن تحطين عسل ، او شيره ( القطر ) او دبس التمر حسب الرغبه
وبس مقرمش و لذيذ 👌❤️