لفائف الدجاج بالجبن :
بيض
بقسمات
طحين
اصابع جبن موزريلا او شذر اللي تحبين
دجاج بدون عظم او جلد نقسم صدر الدجاج الى قسمين رقيقين بالعرض مو بالطول
نحط صدر الدجاج في كيس الطعام ونطرقه لين يصير خفيف اكثر و اسهل في النضج
لان نبغيه عريض بس نحيف .. ان شاء الله فهمتو علي .. نتبل صدور الدجاج ب ملعقتين زيت زيتون
ملعقه خل
باربيكا
فلفل اسود
ثوم بودره
بصل بودره
بودره زنجبيل
بهار عادي او بهار فاهيتا الدجاج المتوفر عندك .. ملح
نخلط المقادير مع بعض ونتبل فيه شرائح الدجاج
نحط الجبنه فوق كل قطعه دجاج
بعدين اخذ نايلون ( كيس تغليف الاطعمه واحط شريحه الدجاج فوقها
و ابدا الف الدجاج ع شكل رول
واذا خلصت اسكر اطراف الدجاج بالدجاج نفسه حتى مايطلع الجبن واغلفه بالنايلون حتى يثبت عندي ويصير شكله اسطواني
نحطه في الفريزر لمده نصف ساعه حتى ياخذ الشكل عدل والاطراف تتسكر
بعدين اغمسها في الطحين و بعدين البيض بعدين البقسماات
حطيتها في الفريزر ربع ساعه بعدين قليتها في زيت متوسط الحراره .. بعد ماطلعتها خفت ان تكون مانضجت وحطيتها في جهاز فيلبس ع درجه حراره ١٦٠ لمده ٥ دقايق وبس👍
تقدم مع رز او بطاطس اللي تحبون ملاحظه اصابع الموزريلا والشذر تباع في التميمي