مكرونه كانيلوني
المقادير :
طماطم + فلفل اخضر بارد مطحونين مع بعض
بصل مقطع صغار
لحم مفروم
صلصله المكرونه الجاهزه انا استخدمت ب نكهه الجبن تعطي نكهه 😋👍 معجون طماطم
بقدونس
زنجبيل & ثوم
بهارات
فلفل اسود
كركم
مكرونه كانيلوني
جبن موزريلا
مقادير صلصله البشاميل
٢ ملعقه زبده
كاسين وربع حليب لان ابيها خفيفه شوي
٤ ملاعق طحين
٣ ملاعق كبيره جبن سائل
فلفل ابيض
جوزه الطيب اذا متوفره عندك اذا ماعندك عادي بدونها .. الطريقه :
اول شي احط البصل المقطع صغار كميه كبيره شوي لانه راح اسوي فيه شيئين مع شوي زيت ع النار واحط الزنجبيل والثوم المطحون واحرك لين يذبل
اذا ذبل اقسم خليط البصل ل قسمين
القسم الاول بحط فوقه بهارات و احرك و احط اللحم مفروم واحط ملعقتين صلصله المكرونه الجاهزه وملح واتركه لين ينضج ع نار هادئه وبعدين اقطع البقدونس واخلطه معاه
القسم الثاني من البصل
احط فوقه بهارات واحرك بعدين احط شوي معجون طماطم واحركه
بعدين اضيف باقي صلصله المكرونه + طماطم مطحون مع الفلفل الاخضر البارد واحط شوي ملح واخليه بس يتجانس مع بعض مابيها تجف لان المكرونه راح تنضج من خلالها
احط الصلصله في قاع الصينيه
اخذ المكرونه و احشيه لحم مفروم وارتبه في الصينيه
والحين اسوي خلطه البشاميل
طريقتي احط الزبده + الطحين + الحليب+ الفلفل الابيض واخلطهم زين لين يذوب كل شي عدل ولا يظل في كتل
بعدين احطه ع النار مع التحريك المستمر لين يثقل
اذا ثقل اطفي عليه واحط ٣ ملاعق جبن سائل كبيره واخلطه عدل لين يذوب
اصب الخلطه فوق المكرونه
وارش عليه جبن موزريلا
واغلفها بالقصدير وع الفرن لمده ٢٠-٢٥ دقيقه فقط طبعا حسب نوع المكرونه المستخدمه بتشوفين المده المطلوبه للطبخ