تشيز اللوتس البارد ..

المقادير
الطبقه ١
بسكويت دايجستف مطحون
بسكويت لوتس
مطحون زبده مذابه ( الكميه حسب الرغبه اذا تحبون البسكويت كثير او قليل )
الطبقه ٢
٢ علبه جبن فيلادفيا٢٠٠ غرام
علبه حليب مكثف محلى ٣٩٥ غرام
٢ ظرف دريم ويب
٢٥٠ غرام حليب سائل بارد
ملعقتين جيلاتين بدون لون او نكهه مذوبه في شوي ماي حار
الطبقه ٣
زبده لوتس او ممكن بلو بيري او اي تغطيه تحبونها .. الطريقه :
يخلط الزبده مع البسكويت المطحون ( لوتس+ دايجستف ) ويرص في قالب متحرك ( انا سويت كميه وضفت عليه قشطه حتى احط ع الجوانب بس اضافه القشطه ماعجبتني صار البسكويت جامد بالموت ينقص 😅)
يذوب الجيلاتين في ماي حار ويترك ع جنب يبرد شوي يخلط الحليب مع الدريم ويب لين يتكثف
بعدين نضيف الحليب محلا والجبن ويخلط
واخيرا اضيف الجيلاتين
واحطه ع البسكويت و عالفريزر لمده ٤ ساعات ع الاقل وبعدين ذوبت زبده اللوتس في المكرويف وحطيتها ع الوجه وزينتها وبس 💕💕 انا احبها مثلجه شوي ف اخليها ليله في الفريزر واطلعها قبل التقديم بنص ساعه