بسبوسه القرفه المحشيه
المقادير :
علبه زبادي
٢ بيض
ثلاث ارباع كاس سكر
نصف كاس زيت
كاس ونصف سميد ناعم
٢ فنجان قهوه حليب بودره
ربع كاس ماي
ملعقه كبيره باكنج باودر
ملعقه صغيره فانيلا
ملعقه كبيره قرفه
مقادير الحشو :
كاسين ونصف حليب سائل
٤ ملاعق كبيره مليانه نشا
فنجان قهوه سكر
علبه قشطه
٤ حبات جبن كيري
الطريقه :
يخلط البيض و السكر والفانيلا حتى يذوب السكر تماما
اضيف الزبادي و الزيت اخلطها بعدين اضيف الماي والحليب بودره واخلطهم بعدين اخط باقي المقادير
باكنج باودر والسميد والقرفه
واخلطهم
احط نصف كميه الخليط في صينيه مدهونه يفضل تكون وسط انا هنا حطيتها في صينيه صغيره وصارت مرتفعه كثير واحطها بالفرن من تحت لين تنضج
في اثناء ماتكون بالفرن بجهز الحشو اخلط كل مقادير الحشو مع بعضها بعدين احطها ع النار واحرك لين يثقل
بعدين احطها ع البسبوسه الناضجه
اخلط شويه حليب مع باقي خليط البسبوسه واحطها ع القشطه شوي شوي حتى ماتختلط مع القشطه
واشغل الفرن من فوق
واحط البسبوسه في اخر رف تحت حتى تستوي ع راحتها
واذا نضجت ارشها بالشيره زينتها ب حليب محلا
ورشه قرفه وبس💕 طبعا تركتها تبرد تماما حتى تطلع القشطه جامده شوي و اسهل في القص وارتب