حبايبي لاتنسون الايك ❤️ تقدير ل جهودي ع الاقل

كيكه الشوكلاته :
كاس ونصف سكر
كاس وثلاث ارباع طحين
ملعقه صغيره بيكربونات الصودا
ملعقه وسط باكنج باودر
ملعقه صغيره قرفه
رشه ملح
٢ اصبع زبده = ٢٠٠ غرام = كاس زبده مذابه
بيضتين
كاس ونصف لبن
ثلاث ارباع كاس كاكاو بودره
فانيلا
مقادير صوص الشوكلاته
٢ شوكلاته جالكسي او اي شوكلاته تفضلينها
قشطه
الطريقه :
انخل الطحين + الباكنج + بيكربونات الصودا + القرفه + الملح بعدين اضيف لهم السكر ونتركها ع جنب .. في جدر نحط اللبن و الزبده المذابه والكاكاو البودره ع النار بس يسخن بدون غليان ننتبه .. نضيف خليط الشوكلاته ع خليط المواد الجافه
نخلط شوي بعدين اضيف البيضه الاولى واخلط لين تختفي تماما
بعدين اضيف البيضه الثانيه والفانيلا واخلط
بعدين في صينيه وع الفرن لين تنضج .. بعدين نزينها ب الشوكلاته
طريقه الشوكلاته :
اقطع الشوكلاته قطع صغيره واحطها في صحن ضد حراره المكرويف
ادخلها المكرويف ثواني واطلعها واحرك اذا باقي قطع ادخلها من جديد
بعدين اضيف القشطه واخلطها وارجعها المكرويف ثواني
اخلطها واحطها ع الكيكه
او تحطين الشوكلاته في حمام مائي واذا ذاب تحطين القشطه وتخلطينها وتزينين فيها الكيكه