حبايبي لاتنسون الايك ❤️ تقدير ل جهودي ع الاقل
صينيه الدجاج بالصلصله الحمرا لذيذه👌🏻💕
المقادير :
دجاج مسلوق مع بهارات وملح وبعد ماينضج يسحب( ينتف ) ويزال العظم والجلد
ملعقه كبيره معجون طماطم
٤ ملاعق صلصله البيتزا الجاهزه
ملعقه كاتشب ( يمكن الاستغناء عنها )
فلفل اخضر بارد
بصل
علبه كريمه طبخ
فلفل اسود
بهار ايطالي
كاري
كركم
بهار منوع ويفضل بهار دجاج انا احب ماركه ماجيك عجيبه 👌🏻 ثوم مهروس
مشروم ( فطر )
جبن موزريلا
بطاطس مقطع حلقات ومقليه ومملحه
الطريقه :
يسلق الدجاج مع بهار وملح لين ينضج بعدين يسحب ويترك ع جنب .. نقطع البصل شرايح ونشوحه ع النار مع شوي زبده مخلوطه مع شوي زيت ( نحط الزيت حتى ماتحترق الزبده )
بعد مايذبل احط الثوم واحرك شوي بعدين اضيف المشروم
اضيف البهارات و الفلفل الاسود و الكاري والبهار الايطالي واحركهم
احط معجون الطماطم و صلصله البيتزا والكاتشب احركهم شوي
احط الفلفل الاخضر البارد مقطع مكعبات صغيره
بعدين احط الدجاج المسحب واتركه شوي ياخذ نكهه الصوص
احط البطاطس المقلي في صينيه
بعدين احط خلطه الدجاج
بعدين احط كريمه الطبخ لين تغطيها وارش من فوق جبن موزريلا
وانا حطيت اخر شي رشه بهار ايطالي
وع الفرن من تحت لين تتسبك
وبعدين شوي من فوق تتحمر وتقدم ❤️
ملاحظه :
يمكن اضافه اي خضار تحبينها
باذنجان ، كوسا ، قرنبيط مقطعه و مقليه بعد تطلع حلوه