اللي عندها اي استشارة قانونية تدخل وانشالله بتلاقي حل

[بنت الأصايل]

اصايل عساج عالقوووووه


عندي اسئله ممكن تجاوبين ان شاءءء الله ماكون ضايقتج حبيبتي


اذ الريال طلق وتزوج بعدها وطلع له بيت اوكي .....الحين تجي الاسئله


1 - يقدر الزوج يسجل البيت باسم زوجته الجديدة (موطليقته) ؟؟؟؟؟ ومتى ؟؟؟؟


2 - اذ العيال بحضانته الام (الطليقه) تقدر الطليقه تاخذ من البيت شي علما ان البيت مسجل باسم الزوجه الجديده ؟؟؟؟ اذ يصير


3 - اذ العيال مع الاب تقدر الطليقه تاخذ من البيت شي ؟؟؟ و اذ كان البيت باسم الزوجه الجديده ؟؟؟؟

4 - يقدر الزوج يجار حق طيقته سكن في حالة الابناء عند الام خارج بيته الموجود في منطقه ثانيه ؟؟؟؟


علما ان البيت حكومي دخل محدود وتوه طالع ماصار له 5 اشهر واهو طلق وعنده 3 اصبيان والحضانه عند الاب بس بعد الرمضانعند الام علي طووووووووووووووول واتمنى اتمنى اكون شرحت اسئلتي صح وماضيقتج بكثرة اسئلتي حبيبتي ومووووفقه ومبرووووووووك التثبيت يالاصيله والله:tek::tek::tek:

اذ الريال طلق وتزوج بعدها وطلع له بيت اوكي .....الحين تجي الاسئله


1 - يقدر الزوج يسجل البيت باسم زوجته الجديدة (موطليقته) ؟؟؟؟؟ ومتى ؟؟؟؟
اذا طالع البيت من زمان واستلمه بعد الطلاق يقدر يحدث البيانات عند الاسكان ويضيف اسم الزوجة الجديده ولكن اذا كانت الوثيقة طالعه ومستلم البيت قبل الطلاق مايقدر يشيل اسم طليقته

2 - اذ العيال بحضانته الام (الطليقه) تقدر الطليقه تاخذ من البيت شي علما ان البيت مسجل باسم الزوجه الجديده ؟؟؟؟ اذ يصير

لها حق السكن

3 - اذ العيال مع الاب تقدر الطليقه تاخذ من البيت شي ؟؟؟ و اذ كان البيت باسم الزوجه الجديده ؟؟؟؟
اذا العيال مع الاب ومالها حق بالوثيقة او اسمها غير موجود بالوثيقة فمالها شي

4 - يقدر الزوج يجار حق طيقته سكن في حالة الابناء عند الام خارج بيته الموجود في منطقه ثانيه ؟؟؟؟

أي ممكن بموافقتها
ا

 

[ام احمد_26]

بنات انا ابي اسأل سئوال انا طلعلى نفقه 240 دينار وحضانه ولدى محكمه الجعفريه بس ليش ما مشولى وله فلس ولمحامى يقولى نطرى انا بصراحه ما ادري شسوي؟؟؟؟؟؟

 

[C'est La Vie]

السلام عليكم
اختي بسأل
هل الناخب له الحق بالطعن بالانتخابات؟
ولا هالحق محصور للمرشح فقط؟؟

 

[بنت الأصايل]

بنات انا ابي اسأل سئوال انا طلعلى نفقه 240 دينار وحضانه ولدى محكمه الجعفريه بس ليش ما مشولى وله فلس ولمحامى يقولى نطرى انا بصراحه ما ادري شسوي؟؟؟؟؟؟

راجعي ادارة التنفيذ وحاولي تشوفين شصار على تنفيذ الحكم

 

[بنت الأصايل]

السلام عليكم
اختي بسأل
هل الناخب له الحق بالطعن بالانتخابات؟
ولا هالحق محصور للمرشح فقط؟؟

المرشح فقط

 

[أم الغاااالية]

بنت الاصايل مشكووووووووووووررررررررررررره الله يجزاج خيرررررررر

 

[أم الغاااالية]

- اذ العيال بحضانته الام (الطليقه) تقدر الطليقه تاخذ من البيت شي علما ان البيت مسجل باسم الزوجه الجديده ؟؟؟؟ اذ يصير

لها حق السكن



بنت الاصايل اشلووووووون والبيت امسجل باسم الزوجه الجديده اشلون لها الطليقه حق السكن ؟؟؟؟؟؟ البيت باسم الزوجه الجديده

 

[بنت الأصايل]

رديت على الخاص ياقلبي

 

[بحر الرمال]

مشكوووره عالافاده بنت الاصايل
انا عندي سؤال
اذا الريال تزوج لمده سنه و ياب طفل و طلق, بعد الطلاق يمشي له بدل الاجار من الحكومه و الا لأ؟

 

[بنت الأصايل]

اذا طلق يروح عنه بدل الايجار

 

[C'est La Vie]

يعطيج العافية محاميتنا
شنو المفهوم القانوني للحرية الشخصية اللي كفلها الدستور؟ وشنو حدود هذي الحرية؟؟؟

سؤال ثاني:
اذا نائب مجلس امه صار وزير
منو ياخذ مكانه بالمجلس؟
نفس حالة الوزير الروضان كان نائب وصار وزير

 

[امنيه]

اذا وااحد ملج على وحده وما صار تفاهم بينهم وتم الطلاق بدون دخووول
البنت ترجع له المهر كله ولا نصه؟
علما بان الريال اهو طلب الانفصال

بلييز ناطرين الرد

 

[قمر الليالي]

اختي دزيت لج ع الخاص ومارديتي
ياليت تردين علي بليييييييييييز

 

[توتاتوتا]

شاركينا بهذا الموضوع

http://www.q8yat.net/showthread.php?p=10099364&posted=1#post10099364

 

[داريني]

طليق اختي رافع عليها دعوى اسقاط حضانه وسكن ونفقه ؟
وبالنسبه حق السكن قرض بنك التسليف يخصمونه من اختي لانه طليقها كان مطلوب وما عنده حساب او عنده بس مو باسمه

والحين شنو الحل علشان ما تسقط عنها الحضانه وسكن؟
وعلى قانون محكمه الجعفريه ؟

 

[بنت الأصايل]

اعتذر عن الاستشارات القانونية في الوقت الحالي

لحين الرجوع من السفر

 

[laly-82]

اختي الفاضله
كنت أكام زوجي بالتلفون وتهاوشنا
جان يقولي انتي طالق جان أقوله شنو قلت رجع وعادها(انتي طالق)
عصبت وقتله ابركها من ساعة بس مومن قلبي طبعا
وقتله خلاص دام طلقتني عيل ماله داعي أكامك الحين....باي
وقت المشكله كنت زايره أهلي
ماوعيت إلا اهو ياي بيت أهلي يطق الباب وكلم أمي ويقولها أنا ماقتلها انتي طالق انا قلت طقي راسج بالطوفة
ويحلف ويتكفر وللعلم أنا زوجي وااااااااااااايد جذاب والكل عارف هالشي
وأنا أكيد مليون بالميه سمعت كلمة انتي طالق وانا ماأتبلى على روحي
وودي أعرف هل يقع هالطلاق ولا شلون؟؟؟
دزيلي عالخاص الرد ماعليج أمر
وإذا كنتي شاكه بالجواب فيديني وين اروح أسأل بعرف الرد؟

 

[asola107]

يعطيج العافيه حبيبتي
ابي بس اسال يمكن للزوجه طلب الطلاق لضرر بسبب كثرة سفر الزوج الى بلاد الفساد مثل تايلند وغيرها
وشكرا

 

[miss tota]

السلام
ممكن اراسلك علي الخالص لان عندي مشكله خاصه

 

[بنت الأصايل]

السلام
ممكن اراسلك علي الخالص لان عندي مشكله خاصه

انا حاليا اعتذر عن الاستشارات ولكن ماعندي مانع انك تكتبينها لي على الخاص واذا رجعت بالسلامة سأرد على كل استفسارات البنات