ملتقى عرايس شهر اكتوبر /2009 - بشروط !!!

[hazel eyes]

واااااااااااااااي ونااااااااسه احس تفكيرج نفس تفكيري و احس ذوقج نفس ذوقي والله محتاره من هاذي الناحيه تدرين حلاته كعب بس مو عالي واايد يعني شويااا
انزييين شنوووو قررتي تحجزيين مصوره؟
و اشرايج في بدل زياد انطوان؟
اي واشلون على الشيلات من وين خذتيلج
أنا خذيت بس 2:0bee2e8d89:

واناا بعد احس ذوقنا نفس الشي والله زياد انطوان مارحت والمصوره حجزت فوتوجيت والملااافع ماخذيت شي :0bee2e8d89:

 

[hazel eyes]

ﻻفقدتك لووول هذا وانتي تسوقين ماتدلين اي ابي رقمهاا

سلطانه زمانها يخسى الزهق فديتج رد تاغ بالسالميه يم الجوثن مكان سناء قبل

 

[لافقدتك]

ههههههههههههههههه لبى قلبك عيون عسليه

هذا رقمها 99813228

 

[عنووشه]

قوه بنات اشلونكم
سوسو عسى ماشر ليش زهقانه حبيبتي

ورد تاغ موجود بالسالميه حبيبتي

 

[ثلج]

شلونكم بنات شخباركم ... عساكم بخير

جبت لكم نصااايح لكل عروس ... قبل موعد العرس بأسبوع لازم ( يجب أن ) :
*تناولي الاطعمه الخفيفه والمغذيه الغنيه بالفيتامينات

* ابتعدي عن الاطباق الدسمه خصوصا التي تحتوي على الصلصات والتوابل الحاره التي تثير البشره

* حافضي على رشاقتك وغذي بشره جسمك لتكتسب الملمس الحريري اعتمدي الكريمات الخاصه المرطبه التي تشد البشره وتصقلها ولاتنسي ازاله الخلايا الميته عن سطحها مسبقا لتستفيدي اكثر من فعاليه كريمات العنايه وتحصلي على النعومه المطلوبه .
و كثروا من الماااي قد ما تقدرون ... فظيييع للبشره ... يرطبها و ينعشها ...

و سلالالالالالالالام بماااااي مثلج بورق النعاع و شرائح الليمون و قطرات الزهور ....:ggdw:

و عليكم بالعاااااااااااافيه :dddds:

 

[عنووشه]

مشكوره اختي ثلج

معاج حق

والله يرزقج حبيبتي

 

[اسيل الكوت]

اخباااااااركم عرايسنا اليوم ؟؟


هذا موقع قمصان النوم للي ما خلصو
بصراحه تو ما طلبت منه بس ناويه أول بحدد أنا وخواتي ونطلب مع بعض علشان التوصيل بفلوس
على حسب المنطقه فما أدري بخدمتهم
في شغلات حلوه وأرخص من السوق وفي عاديه على حسب الذوق وفي اشياء أحس ما تصلح
للعرايس تونا عليها
http://www.a1musk.jeeran.com/​

 

[اسيل الكوت]

أول ما يفتح الرابط
أضغطي على كلمة ألبوم اللانجري
لأني أول ما عرفته حست فيه كنت أضغط على الصور يطلع لي الموقع الأمريكي نفسه
و الأسعار مو مكتوبه إلا بالموقع العربي​

 

[اسيل الكوت]

عرايس أبي قميص أول ليله مليت كله ما يعجبني تهقون في بالأفنيوز
أنا رايحه رايحه بس اللي شايفه بمحل معين ودي أعرفه عشان أركز عليه
وأبي بجايم حراير طوال فخمه وشغلها ناعم وبجايم قطن طوال ناعمه بس شغل راقي أقدر ألبسهم الصبح ؟
رحت الجميع, أنور, الطاهر, القاسم ما لقيت في أحد يعرف غيرهم ​

 

[اسيل الكوت]

بناااااااااات شوفو شنو معاااااااي اليوم​

هذي ستاندات في مثلهم بالمباركيه بصراحه ما شفته بس سمعت عنهم وقلت لكم قبل لا أروح وأشتري​

​

 

[*^*مــــزيــــانــــا*^*]

يسعدلي صباااحكم

شلووونكم شخباااركم

الله الصور حلوووه اسيل اينون الستانداااات

يبيله المباركية ... عجبني مال الساعات وايد

 

[مايهزني الريح]

هااااااااي ياحلوات اسيل روحي شوفي الحمراءمول اللي بالفروانيه في محلات قمصان نوم بالسرداب شغلهم عجيب امس شايفتهم روحي يمكن يعجبج شي منهم والله ينولج االلي في بالج (.

 

[مايهزني الريح]

حياتي شنو تلبسين فلات على قمصان النوم وين قاعدين روحي حق انور تلقين عندهم شوزات مخصصه حق قمصان النوم تهبل امس ماخذه منهم وفي نوعيه يجيج شوز شفاف بس عليه ريش ناعم :klhfl:حيل حيل يجنن اخذي منه في ابيض واسود وبيج وموفقه يالغلا***

 

[نوووور الشمس]

مساء الورد يا احلى عرايس

 

[سلطـ زمانها ــانة]

الستانداات تهبببل

مايصير تلبسين فلااااات الكعب يعطيج رزززه

 

[نجوم الثريا]

مرحبااا

شلووونكم بنااات ..؟؟

والي تسأل عن بدل زياد انطوان بدل العرايس عنده حلووه بس مشكلته انه البدل الكل يشوفهم وعارضهم للكل وانا بهالشغله ماعجبتني

مع انه عرسي رفيجتي كانت بدلتها من زيااد تهبل والطرحه غريبه ..

وموفقييين ياعرايس ...

 

[الراسيـ؟ـه]

بنات ام خالد والله اتطيرها بالعلالي والله يشهد علي

بنات امدحوله لي و دقيت عليها قالت روحي اشتري خام من محلات بالبلوكات خذيت الخام بعد الخصم

و المكاسرررر 250 خام فرنسي جاكارات و شيفونات و لما رحت لها قالت تجين لي بعد العيد دام عرسج شهر عشره

و انشوف الموديل اللي تبينه انصدمت ولا الشوارفسكي انا اجيبه الباكيت ب30 دينار تقول بس يكون شويه

تقول انا اسوي البدله ب250 و انتي بايدج توصلينها 500 او 400 دينار

والله بنات ما ظلمتها حشى واللي ما تحب النصيحه ختشوف بنفسها

بنات بس خياط خياط ب250 دينار و الشوارفسكي و الدانتيلات اتطرشني على ناس ثانين اخذهم منهم

:eh_s(14)::eh_s(14)::eh_s(14)::eh_s(14):

والله قعدت اطبخ وانا عندها شدعوا

 

[سلطـ زمانها ــانة]

اوووووووووووووووووووووف اشدعوا الراسيه

ياحليلها ماتعبت حالها

دام الشوارفسكي والخام وكل شي علي

يعني عارفه الموديل اوديه لخياط عاد ابررررررك

الله خياط بس ب250

 

[سلطـ زمانها ــانة]

الراسيه انتي مخطيه عند ام نافع ؟؟

 

[لافقدتك]

بنات ام خالد والله اتطيرها بالعلالي والله يشهد علي

بنات امدحوله لي و دقيت عليها قالت روحي اشتري خام من محلات بالبلوكات خذيت الخام بعد الخصم

و المكاسرررر 250 خام فرنسي جاكارات و شيفونات و لما رحت لها قالت تجين لي بعد العيد دام عرسج شهر عشره

و انشوف الموديل اللي تبينه انصدمت ولا الشوارفسكي انا اجيبه الباكيت ب30 دينار تقول بس يكون شويه

تقول انا اسوي البدله ب250 و انتي بايدج توصلينها 500 او 400 دينار

والله بنات ما ظلمتها حشى واللي ما تحب النصيحه ختشوف بنفسها

بنات بس خياط خياط ب250 دينار و الشوارفسكي و الدانتيلات اتطرشني على ناس ثانين اخذهم منهم

:eh_s(14)::eh_s(14)::eh_s(14)::eh_s(14):

والله قعدت اطبخ وانا عندها شدعوا

أنا عارفه انها غاليه بس عن نفسي أحب الناعم فيكون أرخص لي

وأدري انها تتأخر بس الأكييييييد انها تخلص قبل موعد العرس

يعني أتطمن عندها

واسألي نفسك ليش ما سحبتي خامك منها؟؟؟؟

أكيد بتلقين الجواب انك ما بتلقين أحد مثل روعة تفصالها