حبيبتي انا الاسبوع اللي طاف كنت مودية بنتي أطعمها وسألتهم وقلت لهم اني بروح امريكا قالوا ما وردنا شي بهالخصوص
غير الكلام المعروف ..معقمات...اجتناب الاماكن المزدحمة...مادري الواحد وين يروح يعني كل مكان فيه ازدحام المهم من
هالحجي الفاظي اللي ماوراه غير التخريع وماكو له تطعيم بس له علاج اسم الله علينا اذا صار المرض....وهالشي عارفينه
بس خذيت ابرتين انا وريلي حتى قلت حق البنات روحوا طعموا منتوا خسرانين شي هذيلة الله يسلمج ملوت السحايا والكبد
الوبائي احتياط قلت دام اني متعنية خناخذهم وعلى فكرة اللي خايفين من انفلونزا الخنازير ترى الكبد الوبائي رفيجتي تقول
انه منتشر وهي ماراح تسافر بس خذته..
زبدة الحجي لا تخافين ولا تسمعين اللي يهولون الموضوع ويكبرونه ترى جدا بسيط وانشالله ماكو الا العافية
واسم الله علينا...اسم الله علينا...اسم الله علينا...وان قدر الله وصار في أسوأ الظروف يقولج علاجه بسيط وسهل ماياخذ
3 ايام يعني مو البق ديل...بس انا اقول اللي يخاف من البعبع يطلع لووو وروحي واستانسي وتوكلي على الله وماكو الا
العافية وانشالله مشمومشة توصل بالسلامة تطمنا وتوافينا باخر الاخبار
