مستجدات ومستمرات الجامعه العربية المفتوحة **) تعالوا نتناقش وندردش ونستانس (**

[pinkya_dlo3ah]

ريامي ليش بايقة صورة جهازي هههههههههههههههههههههههه


بنات المنتدى صاير غثيث ما يبطل معاااي

نفس الحاله مرات يبطل مرات ماكو

 

[طيب^الكويت]

بنات بسالكم انا سحلت حق الكورس الياي وماد فعت الرسوم لاني ناويه اضيف مواد ينلغي الجدول ولا ولا ومتى اقدر ادفع

 

[pinkya_dlo3ah]

بنات بالنسبه اللي يسئلون عن طلبات تقديم الإلتحاق بالجامعه العربيه المفتوحة


فراح تكون طلبات الإلتحاق من 5 يوليو إلي 16 يوليو 2009

وذلك في برامجها الثلاثة إداره أعمال (الاقتصاد والانظمه الادارية) +برامج تقنيات الحاسوب+ برامج اللغه الانقليزيه وادابها


ولازم تكون نسبه المتقدم ماتقل عن 60% في الثانويه العامه ، وفي نظام المقراارت ان ماتقل عن نقطتين


اما القبول في برامج التربية للحينه متوقف

وراح يبدي العام الدراسي 26 سبتمر


وبس

 

[قشطة]

اي قريت الخبر بالجريده اليوووم

بس بنات انا حابه اسجل ادارة اعمال نظم اداريه ....... انا خريجه 2007 نسبتي 69.7
تتوقعون يقبلون شهادتي ؟؟؟؟
وياليت تعطوني معلومات عن التخصصات الموجوده و ابي اسهل شي وترى انا اطقطق بالانجلش مو فلته يعني محادثه و قراءه مو منطلقه فيهم بس بالقواعد ميه ميه بس بعرف كل شي بالانجلش
بنات مالي غيركم بلييييييييييييز ردووو على اسألتي لاني حيييييييييييييييييييل محتاره

 

[فاهمه *]

مساكم ورد بنات حبيت اذكركم في تسجيل متأخر حق الصيفي اللي تبي تعدل علجدول عن طريق النت بتاريخ 12-6 والله يوفقكم



باجر امتحان عربي باذن الله بنات ماتلاحظون ان ماكو مراعاة حق اوقات الصلاة داايما بلجامعه لامن محاضرات ولا من امتحانات امتحانه يبتدي 6 ونص لي 9 ونص اللي تبي تصلي شلون يعني ؟؟؟؟؟​

 

[*الماضي على ويش نعيدهــ*]

هذا الخبر الي نزل
7
7
في برامج إدارة الأعمال والحاسوب والانجليزي
طلبات الالتحاق بالجامعة المفتوحة من 5 إلى 16 يوليو المقبل



أعلنت الجامعة العربية المفتوحة -فرع الكويت عن بدء فترة تقديم طلبات الالتحاق في برامجها من 5 يوليو المقبل ويستمر الى 16 يوليو 2009.

وذلك في برامجها الثلاثة ادارة الأعمال بشعبة الانظمة الادارية واقتصاد، وبرنامج تقنيات الحاسوب وبرنامج اللغة الانجليزية وآدابها، على ألا تقل نسبة المتقدم عن %60 في الثانوية العامة ومايعادله مقدار نقطتين في نظام المقررات حسب شروط مجلس الجامعات الخاصة.

والجدير بالذكر انه سيتم فتح تخصصات فرعية جديدة في برنامج ادارة الأعمال ومازال القبول في برنامج التربية موقوفا الى ان يتم اعتماد البرنامج المحدث من قبل مجلس الجامعات الخاصة.

وبناء على التقويم الجامعي المعتمد من قبل ادارة الجامعة، فان العام الدراسي الجاري سينتهي 10 اغسطس المقبل على ان يبدأ العام الدراسي الجديد 26 سبتمبر المقبل.


تاريخ النشر 05/06/2009

 

[*الماضي على ويش نعيدهــ*]

ماكنتوشه حطيتلج عدنان ولينا ما اوصيج بوقيها

 

[blue rain]

ياربييييييييييييييييييييييييييييييي يعني ماكو تربيه شلون والكلام اللي اكتبوه بالجرايد قبل فتره وين ؟قالو بيفتحون تربيه عربي انجليزي وحاسوب ورياضيات وشنو هونو يعني والله قهر وانا قاعده بس اسجل مواد اختياريه وعامه عشان احول الله يستر بس

 

[blue rain]

عربي 112 عند خاااااااااااااالد المقداد هااااااااااادي حيل بس شرحه يونس ويراعي -- قباري شحاته سقط اخوي ززززي الورد هههههههههه
عربي 111 يقولون صعب بس ماجربته اجتزته - بس 112 مايبيله شي اذا انتي تحبين التذوق الفني والشعر والمقالات بسيط حيل بس الاذيه بالصوتيات وخارج الحروف ياااااذي

مشكووووووووووووووووووووره حبيبتي بس تتوقعون بالصيفي يختصرون من الحفظ والا لا

 

[blue rain]

انا اقولج خليج على هذا ولا تنقطين عند دكتور اسمه قباري شحاته

قباري شحاته مو زين كلش لاتفكرين تقربين عنده مايشرح ويقرا الكتاب ويطلع ويحط امتحانات صعبه

مشكوووووووووووورين على نصايحكم انا من غيركم جان توهقت عدل جزاكم الله كل خير وجعل مساعداتكم في ميزان اعمالكم ان شاء الله

 

[blue rain]

مساكم ورد بنات حبيت اذكركم في تسجيل متأخر حق الصيفي اللي تبي تعدل علجدول عن طريق النت بتاريخ 12-6 والله يوفقكم


مشكووووووووووووووووووره وعسى الله يذكرج بالشهاده صار لي وقت ابي اعرف متى التسجيل المتاخر يعطيج العافيه​

 

[فاهمه *]

الله يوفقج يارب

 

[زبــــــــدة]

متى السحب والاضافه حق الكورس الياي

ابي اعرف منو دكاترتي يمكن اغيرهم هههههههههه

 

[F.A]

زبوده انتى نفسي نطرى التسجيل العادى للجامعه على شهر8 وعادى عدلى بجدولج ظيفى وسحبي من غير رسوم انا كل كورس جذيه بس بالبيت من النت

 

[زبــــــــدة]

اووكي خلاااص بنطر

فوفو شلووون الدراسه

 

[F.A]

الله يعين والله تمللت عالاخير
أدرس ولدي شوي وأطقطق حق نفسي شوي وانا من أمس أروح المعهد مراجعه يومين
تخيلى المعهد بالسالميه تحتى نكست والغانم بالسوق (سوق السالميه الشمالي) ونااااسه جنى رايحه أتسوق مو أدرس أتسوق قبل وبعد _03ba:
والله كريم

بشرينى عنج شخبارج مع الدراسه زبوده

 

[*الماضي على ويش نعيدهــ*]

باجر عندي امتحان
ادعولي:0bee2e8d89:
يالله تصبحون على خير

 

[بنت الجامعة]

الله يوفقج حبيبتي

يسهل الامتحان لج

 

[زبــــــــدة]

الله يعين والله تمللت عالاخير
أدرس ولدي شوي وأطقطق حق نفسي شوي وانا من أمس أروح المعهد مراجعه يومين
تخيلى المعهد بالسالميه تحتى نكست والغانم بالسوق (سوق السالميه الشمالي) ونااااسه جنى رايحه أتسوق مو أدرس أتسوق قبل وبعد _03ba:
والله كريم

بشرينى عنج شخبارج مع الدراسه زبوده

الله يعينج
ههههههههههه وناسه مكان المعهد

انا للحين مابلشت
انشالله من باجر ابتدي
عندي امتحان واحد بس وحدييييييي مالي خلقه

 

[*الماضي على ويش نعيدهــ*]

الله يوفقج حبيبتي

يسهل الامتحان لج

حياتي تسلمين