مراحل ترتيب غرفتي بالصور.. بعد نصايحكم

[~Luxury]

علقتينا ~luxury طولتيها يالله شدي حيلج ياحلوووه

فديت اللي ينتظروني

 

[~Luxury]

توني اطيح على غرفتج
اثاثج وايد حلوو ومع الترتيب طلع شي ارقى وانعم
عفيه عليج :ggdw:
والبنات ما قصروا عطوج خووش افكار
ودارج يوميا قبل النوم ردي كل شي بمكانه
وتقعدين الصبح دارج مرتبه
بس هاااااااااا هالحركه يوميا مو تتعيزين

على الكوميدينو اللي يمج اخذيلج ابجورات ناااااااعمه
و فواحه وشمووع شوي كبار عشان تسوين لج جوو رومانسي
وذا بتريحين نفسج اخذيلج سلال حق ملابسج الداخليه ، و دلاغاتج وحطيهم برف من الكبت
اي بعد اخذيلج شمعه تعلقين فيها ملابسج بس مو تكودين كل شي فيها يادوب تحطين لج فوطه صغيره و روب الشور
وناطره اللوك النهائي

الله يعطيج العافيه
:tek:

تسلمين حبيبتي على افكارج الحلوه


:tek:

 

[~Luxury]

اول شي حمدلله على سلامتج حبيبتي
والثريا مو صج مشالله تهبل وعيني عليج بااارده بسرعه رتبتيها , وانا قلبي مايطاوعني اقط اشياءاتي بصراحه الا اذا كلش مابيها اما اذا محتاره فأخليها بعلبه او جنطه ومرات تحتاجينلهم
وحطيلج جم جوريه يم سريرج هديه مني لج على سلامتج

الله يسلمج حبيبتي


اسعدني تواصلج

 

[~Luxury]

ووواااي وناسه ياحلو الترتيب والله..
عقبالي

يالله شدي حيلج وراوينا


يسلموز ياعسل

 

[~Luxury]

الحمد الله على سلامتج حبيبتي .. و غرفتج صارت تينن ما شاء الله وايد حلوة و فخمه تتهنين فيها

و الثريا و السجادة اليديدة وايد وايد حلوين ,, و بالذات السجاده لانها شرحه ماشاء الله ,,

بس خامة البرده اللي اخترتيها مو لايقه مع الغرفه ,, لو تحطين برده اوف وايت و حاشيتها مطرزة بورود اورانج بتطلع حلوة ..

و بالذات انه الصبغ وايد غامج احس يبيله شي يزهييه ,, و له شرايج ؟؟

الله يسلمج غلاي

وبدور لي خامة ثانيه

تسلمين ع النصايح

:tek:

 

[78MariMar78]

موفقة حياتي
ولوك الغرفة واييد حلو

بانتظار المزيد

 

[~Luxury]

الحمدلله على سلامتج

تصدقين نفس لون غرفتي بس انتي مسويته تعتيق انا صبغ عادي لان من زمااان قبل لا يهبون بهالسوالف في غرف النوم

بس صج صج شي ترتيبج

الستاره حلوة بس احس تفرق وايد عن لون الطوفه اختاري شي قريب على البرتقالي وخليها نفس الشي مشجرة من تحت احلى لان اذا الطوفه برتقالي والستاره زيتي !!

احس تفرق وانتي وذووقج والي تشوفينه

يسلموووووووووووز

ان شاء الله بدور لي لون ثاني

 

[~Luxury]

موفقة حياتي
ولوك الغرفة واييد حلو

بانتظار المزيد

مشكوره


اسعدني مرورج

 

[~Luxury]

رسمت تقسيم للكبت ابي رايكم فيه وابي افكاركم ومزيد من الاقتراحات



خخخخ طماعه بس ادري مابتقصرون معاي





اسمحوا لي على ردائة الرسمه
:tomato2:

شراااايكم

​

 

[متواضعة]

الحمدالله على السلامه لاكسزري

وووااااايد حلوووووووووووووووووووووو

انا بعد ابي اصمم كبت عندي صورة كبت عاجبتني بس ماعرف اشلون ارويج اياها


جربت طريقة ان شاءالله اتصير

 

[~Luxury]

الحمدالله على السلامه لاكسزري

وووااااايد حلوووووووووووووووووووووو

انا بعد ابي اصمم كبت عندي صورة كبت عاجبتني بس ماعرف اشلون ارويج اياها


جربت طريقة ان شاءالله اتصير

وااايد حلوووو

بس المساحه اللي عندي ماتساعد ماعندي درسنق روم للاسف:0bee2e8d89:


بس عجبتني فكره الرف بين التعليقتين ممكن نستغله في شغلات ناويه اضيفها للتصميم



مشكوره

 

[قموشة]

مرحبا بنوتاات

الموضوع شوققني بس الصور مايفتح معاي ليييييش ؟؟؟

 

[@ام ضاري@]

هذا فووووووووووووضه والا جرد يعني
بس ليش مافي ستاير
وماندري عنج رتبتي الملابس او لا

يعني الحين قومي صوريلنياااا من جديد

 

[مروقه على الكوفي]

ماشاءالله حلورسمك وتفصيلك للكبت
واحلى شي تخلين ملابس السهرة والعبي لحال لان تضيق المكان يعني انااحط فساتيني مع الملابس وصاردولابي زحمة من نفشةالفساتين بس ايش اسوي بيتناصغيرمااقدرافصل دولاب ثاني ان شاءالله ننقل من البيت ولااتزوج وافصل على كيف كيفي

 

[تااضي]

الغرفه رهيبة الله يهنيج فيها يا رب بس بغيت اسالج السرير من وين شاريته
وانا حاسه فيج لان غرفتي دثرة بعد

 

[حلاوه فوشيه]

مشكوررررره

 

[السفيرة عزيزه]

الحمدلله على سلامتج وخطاج السو ــ وماشاء الله عليج وعلى هالسنع يالله كملي وورينا شسويتي بعد ترى زاد الفضول عندنا

 

[احلى دلع]

الحمد الله على سلامتج اول شي ثاني شي ماشاء الله غرفتج تهبببببببببببببببببببببببببببببل والسرير والثريا والسجاد شي موطبيعي الله يهنيج فيهم بس خففي من الحوسه لانها تشوة المنظر خيتو

 

[^^Ch!c lady^^]

ماشاء الله حلوه غرفتج وزين سويتي بقولج بالنسبه للكبت كنت مثلج ارتبهم ويردون ينعفسون وبعدين لقيت الحل خذت صناديق وحطيت واحد للبديات والثاني الشورتات وقمصانهم وحطيت في الدرور صناديق صغيره من ايكيا حطيت فيهن الاندر وير كل لون بروحه وبالنسبه للجنز رتبيهم من الاغمق للافتح وخلي تصفيطتهم نفس الحجم...هذا الي عندي الحين يالله نتريا الصور النهائيه لكل الغرفه بالتوفيق ..

 

[سيدة الذوق]

ربي يوفقج بالترتيب حبيبتي