موسوعة لبنان المتجدده . . . (تم دمج المواضيع المختصه)

[الغــ مرت ــالي]

بنات سامعين عن فندق اسمه ماي فلور

بالحمرا
شلونه انا حجزت هناك؟

 

[donat]

رد: وين تسكنون بلبنان؟

up up up

 

[سهى الزين]

رد: وين تسكنون بلبنان؟

اهلا وسهلا بك في لبنان

نستضيفك عندي لو تحبي

لبنان كله جميل

 

[سهى الزين]

مرحبا بكم في وطنكم لبنان

اشكر حبيبتي زينة عن الموضوع العظيم قرات العديد من المشاركات في الموضوع ويعود
تاريخه من سنة 2005

اي شي انا في الخدمة

 

[زيـטּ عَبْس]

رد: وين تسكنون بلبنان؟

سمعت ان احلى شي بحمدووم بس مادري

برفع الموووضوع

وياليت البنات يفيدونا

لان بعطلة نص السنه ان شاء الله بزوور لبنان لأول مرة

 

[LuLiTa]

رد: وين تسكنون بلبنان؟

ااااااااااااااب

 

[الام الحنونه]

مرحبا فيج اختي سهى الزين بين خواتج,واذا فيج تعطينا معلومات عامه عن بلدج المحبوب ياليت ما تبخلين علينا فيها وشكرا على مشاركتج ويانا

 

[One love]

هاي بنات
انا من عاشيقات لبنان ما اقدر استغني عنها كل سنه اروح و ما امل بس احب اضيف على اختنا اللي كاتبه الموضوع في اسواق البربير و البربور و السيتي مول و دريم لاند و منطقة جون

 

[One love]

رد: وين تسكنون بلبنان؟

هاي في عندج منطقة فالوغا و بحمدون و برمانه و عندج فنادق بيروت

 

[qema87]

رد: وين تسكنون بلبنان؟

بحمدون نفسها من اول ماتدشين شارع الكويتين اول فندق ابويهج اسمه كارلتون لازق فيه عمارتين حق الصفاة شقق فندقه
بعدين اييج فندق السفير وتحت هالفندق فيه هارديز وكناتكي وستاربكس وجباله كوستا لوول
و جبالهم الشيراتون
ووراهم اكو عمارات حق كويتيين و فيهم اجارات

 

[Zanzouna]

رد: وين تسكنون بلبنان؟

حبيبتي شوفي هذا الرابط
http://www.q8yat.net/showthread.php?t=374746

 

[dalal art]

رد: وين تسكنون بلبنان؟

حبيبتي انا سكنت في الفارابي في بحمدون وايد كويس وسعره مناسب وبس اعرف مكاتب تاجير للشقق راح ارسلها ان شاءالله

 

[لؤلؤية]

الصراحه وااايد استفدت من الموضوووع

البارحة رديت من لبنان

سكنت بفندق كورال بيتش...اخذناه مع الفطور و التذاكر من عطلات الكويتية بسعر وااايد حلوووو
124 دينار >>>>3 ليالي

الفندق نظيف وزين...بس الغرفة كانت ضيجة الى حد ما

الاسواق اللي قالوا عنهم البنات كتبتهم بنوتة ورحت...اول شي abc الاشرفية...ابصراحة غااالي
بس يستاهل تتعنين له

ومثل ماقالوا البنات اسواق برج حمود...وفرن الشباك..وشارع معوض..والحمراء
((اكثر واحد حبيته فرن الشباك))
عموما كلهم ارخص من اي بي سي
وترا تحصلووون نفس البضايع بكل الاسواق
طبعا عرفت من السايق انه فيه مكاسر بالسعر بالاسواق الرخيصة..بس احنا مانعرف نفاصل:eh_s(6):

سوق بربر قالي عنه السايق بس مارحت له


رحت لمحل سارا باغ بالاشرفية اللي قالت عنه بامبينا...روووووعه رووووعه
وجناطة غييير...مكااانه داااعوس
واستغربت اشلوون الكويتيات طاحوا عليه ههههههههه
المهم
السايق ياحليله دق على البدالة وطلع رقمهم..واخذ العنوان ووصلنا له بعد شق الانفس
هههههههههههه
جناطهم حلووووه وغريبة لكنها غااالية (لانها شغل ايد)...مافي منها بالسوووق ابددددد

امممممممم

السوليدير محلاتهم شوي غالية مقارنة باللي قبل..والفردان اغلب محلاتهم نفس اللي عندنا بالكويت
انا رحت يوم الاحد وكانت اكثر المحلات صاااكة

يبت معاي صوغة من محلات الحلاب...بس ديروا بالكم فيه اكثر من واحد...اقدم واحد اهو
(( احمد عوني الحلاب واولاده)) حطوها لي بعلب معدن ورتبوها بكرتوون...وغلفووه ببلاستر وكتبوا عليه اسم ريلي واحنا قاعدين على طاولة ونشرب شاي..ونآآكل رقاقات لحمة >>>>جربوها عندهم اتينن :ggdw:
وجربوا كنافتهم

طبعا كنت مترددة بين الحلاب وسي سويت..بس السايق قالي الحلاب اقدم...واغلب زبايني يطلبون الحلاب..قلة اللي يطلبون سي سويت...فتوكلت على الله واخذت منهم...


التاكسي دقيت على تشارلي...وفعلا اتدقين عليه ويقولج السعر وانتي بغرفتج بالفندق
رحنا معاه اول يوم وصلنا...رحنا من الفندق للاشرفية اخذ منا 10 الاف ليرة


بس لقينا تكسي ارخص منهم بوايد وفوووق هذا مسلم...اخذ منا على اليوم 80 دولار
طبعا احنا مانسهر...قالنا اذا تسهرون لل3 او لل4 آخذ 100 دولار
بس لانه مانسهر اخذ 80
ويوم سفرنا..كانت رحلتنا الساعة 5
يعني كان مفروض نروح المطار على 3 لكنا رحنا مبجر لانه اغلب المحلات صاكة...وطلعنا من الفندق الساعة 12
بهاليوم ريلي عطاه 30 ألف ليرة ولاقال شي


المطاعم...طووول الثلاث الاربع ايام اكلنا كان لبناني
...وبالليل نآخذ شي خفيف للغرفة فطاير او شاورما

مطعم منير رووووعه وقعدته موطبيعية...واسعاره تعتبر زينة
عبدالوهاب حلو ...بس خدمتهم ماعجبتني ابددددد >>>> على فكرة شفت عايشة الرشيد بهالمطعم
مانويلا...حلو...بس مايرقى لمستوى منير

فطاير عجبتني فطاير مطعم بربر..انا وريلي جربنا جبن القشقوان و الحلووم...بس ريلي يقولي الكل يطلب صفيحة لحم عندهم...

هذا اللي عندي الحين ولو تذكرت شي بارد اقولكم

 

[لؤلؤية]

نسيت احط رقم السايق يمكن ينفعكم مثل مانفعتوني 03040830
اسمه عباس...

احنا بالنسبة لنا اعتمدناه...ارخص من شارلي بوايد...وحليو

 

[لؤلؤية]

بنات هالايام هابيين بصبغ الاظافر الفسفوري
حصلته هناك...وصتني عليه بنتي:friends:
لقيت البرتقالي..والوردي...وحصلت لون شذري مايحتاجون طبقتين ..وحصلت تركواز >>هذا كان شفاف ويحتاج اكثر من طبقة
شريتهم من محل اسمه بارفيوم دولفين
في برج حمود
سعر الواحد ب 11 الف
بس متوفرين باماكن وايد..ان بغيتوا اكتب لكم اسم الماركة

وفيه نوع ثاني بمحل صغير نسيت وين..باسأل ريلي واقولكم
المهم انه سعر الواحد ب 6 الاف...حصلت الوردي

واكسسورارت اشتريت من فرن الشباك وايد حلوووين...

واخذت ماسكات اللي قالوا عنهم بالبنات...من صيدلية المدينة مجابل كراون بلازا
للحين ماجربتهم...بس اهم شي اني اشتري:krkrkr:

هذي كل مشترواتي...مامداني اتسوق اكثر
ههههههههههههههههههه

وايد استفدت منكم...قلت اقولكم عن تجربتي يمكن تفيدكم

وتقبلوا تحياتي

 

[لؤلؤية]

رد: وين تسكنون بلبنان؟

بحمدون منطقة الكويتيين
وعالية السعوديين

بس بالصييف تصير زحمة...انا شفت الصيف اللي طاف...الشقق زبالة..ولكنها تلقى زباين

 

[&سماهر&]

تسلمين ام فيصل
ماقصرتي ياقلبي
بس بسألك وش اخبار الفساتين
انا ابي فستان سهره بسعر معقول

 

[F@ntG Q@t]

وناسه عليكم بالعافيه

 

[حـلا و ذوق]

رد: وين تسكنون بلبنان؟

بوحمدون وعاليه احلى منطقتين

 

[لؤلؤية]

تسلمين ام فيصل
ماقصرتي ياقلبي
بس بسألك وش اخبار الفساتين
انا ابي فستان سهره بسعر معقول

يسلم قلبج حبيبتي
محلات السهرة شكثرها والاسعار تتفاوت...حسب مكان المحل..اذا بمكان سياحي او مجمع غالي او بالاسواق الثانية اللي تعتبر ارخص..اكيد هذيلا بتكون بضاعتهم ارخص
انا شخصيا ماكنت مهتمة بملابس السهرة...لانه بهالفترة ماعندنا مناسبة
بس
اتذكر انه رفيج ريلي معطيه اسم محل لملابس السهرة يقول انه اسعاره مناسبة لانه مرته شارية من عندهم
في مار الياس