تصدقين ومن غير مجامله والله حبيت عيالج ..
بس موضوعج صج صج يحر والله اني احتريت فـ شلون انتي ..؟!!
وماادري شلون ساكته عن حق عيالج ..!!
اذا كلش كلش قولي لـ خواتج .. او قللي زيارات خل يحسون شوي وخل يدرون انج زعلانه لازم يدارون خاطرج انتي وعيالج ..
شوفي انا عندي عيال اخوي وعيال اختي وعندي اختي الصغيره الجعده بس جنها بنتي لانه انا اللي مربيتها وكل شي اسوي لها ..
وانا عندي الاولى بالغلا اختي الصغيره وطبعا وراها على طول عيال اختي احبهم واموت فيهم وعيال اخوي عادي مو ذاك الزود بس مهما كان ماافرق بينهم ..
اختي الصغيره وعيال اختي وعيال اخوي لو غلطوا ازفهم جدام امهم وابوهم مايهمني بس زف عادي مــو طق وصراخ ..!!
بس ها اللي يقرب صوب اختي الصغيره ياويله من لساني .!!.
اعفس الدنيا على راسه .. تخيلي حتى مره تهاوشوا اختي الصغيره وبنت اخوي وابوي زف اختي بس وانا عصبت وقلت لابوي مثل مازفيت اختي زف بنت اخوي بعد لاتفرق بينهم .. ويراضيني وزف بنت اخوي مثل مازف اختي لانه حتى اهي غلطت ..
واختي الكبيره ماشاء الله عليها بعد ماتفرق بينهم .. بس مرت اخوي آخ منها بنتها تغلط عادي وتضحك بعد مستانسه بس اذا اختي غلطت يووه تصير سالفة وحتى اخوي صاير مثلها بس شوفي شسويت فيهم خخخ مشيتهم عدل ..
قبل بنت اخوي لو طقت اختي مايقولون شي عادي بس اذا اختي طقت بنتهم يتشكون ويمسكون اختي عشان بنتهم تطق اختي بس افا عليج سمعتهم حجي سنتعهم صج وانا والله مااحب اطق الجهال بس كل ماحاولوا يمسكون اختي اتهدد فيهم امسك بنتهم واوريها الشغل عاد انا مايهمني حتى لو جدامهم ازفها <<-- طبعا مو من صجي اطق بنت اخوي بس هذا تهديد لهم
والله من يومها قاموا يدلعون اختي ويشترون لها مثل مايشترون لبنتهم .. لانه بنتهم اغلب الوقت قاعده عندي فـ لازم يحسنون العلاقه .. حتى بنت اخوي مرات اذا شافتني تقولي من غير شي ترا انا ماطقيتها << قصدها ماطقت اختي الصغيره .. تدري وراها حساب عسير لو تمادت بحق اختي :>
تخيلي سويت هيبه لـ اختي .. محد يقدر يتجرأ ويزفها عشان بنتهم تشكى عليها مع ان بنتهم سوالفها من تحت لي تحت ..
كلللش ولا شخصية اختي تاُثر .. مابيها باجر تطلع شخصيتها ضعيفه وماتثق بنفسها ..
انا ممكن اسامح واطوف او حتى اجامل بس اختي الصغيره خــط احمر ممنوع احد يتعدى حدوده ويهاوشها لانه كافي اللي شافته اول منهم وقاموا يتمادون بس الحين هيهات يطقونها :eh_s(6):
بس طبعا مو معناته اختي تغلط واسكت لها .. لا طبعا لو غلطت اكلمها وافهمها وازفها بس زف بسيط مو اللي اجرحها ..
ونصيحه لاتخلينهم يتمادون على عيالج ..
ترا الطفل مهما كان يتأثر .. فـ مابالج لو شاف التفرقه بينهم وبين بنات اخوج ..
وبعدين هالشي مااعتقد يزعل اخوووج .. لانج ماقلتي طقوا بناته بالعكس انتي تبين خواتج يعاملون عيالج مثل معاملة بنات اخووج ..
وشالفرق بين البنت والصبي ترا انا احب البنات بس قلبي مايطاوعني ازف ولد اختي كاافي انه امه اختي بعد شنو آكو اكثر من جذي ..!!
مااقول الا الله يقوي قلبج وتحاولين تفاهمين مع خواتج .. وان شاء الله يتغيرون ..
وباجر باذن الله تشوفين عيالج كل واحد معاه شهاده ويرفعون راسج يارب ..
.
.
