منوووو جربت تلفونات الي فيها خاصية اللمس touche screne

[فيونكه فوشية]

hi mobile lover's

:hjy5jewf::hjy5jewf:


اممممممممممم انا ودي أغير وآخذ جهاز شاشته ((لمس))، لكن متخوفه من انه يكووون حسااااس

عفيه الي عندها واحد من هالاجهزة ترد

samsong omnia
lg ******
nokia 5800

ما ابي ابل فون مو مفكره فيه

بليييييييييييز ضروري

 

[ام عبود2009]

شوفي حبيبتي انا توني شاريه تلفون nokia 5800
سهل الاستعمال ووايد حلو وعملي انصحج فيه وماراح تندمين انشاء الله

 

[توووتيه]

حبيبتي اختي عندهاا نوكيا 5800

حلوو واستعماله روووعه ومن حلاااااااااته اختي الثانيه جابت نفسه

 

[حبيبة دودي]

وانا بعد ودي اجرب اللمس

يابنات اللي عندها شلون تصفح النت فيه سهل؟

 

[M!SS CHARISMA]

انتي نفسي قررت اشتري جهاز تاش وصاري اسبوع ابحث واتحري لول شنو افضل جهاز تش ولقيت ان الافضل اهوا samsung omina وان شاءالله بشتريه بس جني سمعت ان التعريب العربي يبطئ الجهاز ويعلقه عشان جذي البابطين وقف اييبه فتره معينه؟؟؟ صج بنات الخبر ولا لا؟؟

 

[shmoo5 2ntha]

5800 عجيييييييييب

انا توني شاريته هديه حق اخوي صج عجييييييييييييب

وبروح آخذ نفسه

 

[فيونكه فوشية]

امممممممممم انا متخوفه من النوكيا

يقولون فيه عيب مصنعي بالسماعه

الي يدق ماتسمعينه واضح ولازم تودينه الصيانه يبطل الجهاز ويضبط السماعه

ما ادري ولا النوكيا اعرف طريقته سهل ومتعودين عليه

بس تبووون الصج الشركات الثانيه اشيك وارقى تلفوناتهم التتش

 

[shmoo5 2ntha]

والله أنا طول عمري أستعمل نوكيا وماكو أحسن منه

ولا فيه شي بسماعته عادي

وإنتي براحتج


يسلمووووووووووووووووووووووووووووو

 

[يابختي]

انا استخدم ال جي...وايد حلو..بس لازم يكون حساس..بس يهبل والله

 

[$احلى كويحه$]

امممممممممم انا متخوفه من النوكيا

يقولون فيه عيب مصنعي بالسماعه

الي يدق ماتسمعينه واضح ولازم تودينه الصيانه يبطل الجهاز ويضبط السماعه

ما ادري ولا النوكيا اعرف طريقته سهل ومتعودين عليه

بس تبووون الصج الشركات الثانيه اشيك وارقى تلفوناتهم التتش

بنات صح ترى سماعته مو زينه لازم تصلحيينها بس التلفون ما عليه كلام حيل حلو

 

[نانو الشيطانه]

واااااااااااااااااااااي تعقدت من شاشة اللمس
انا شريت سوني الي باللمس اعتقد رقمهw960 واختربت شاشة عقب تقريبا 9 اشهر
يعني ماطول عندي حتى سنه
موشي ومو عملي

 

[Lulu Sweet]

انا تلفوني glofiish x5oo
و touch screen بس اذا ضاع القلم لازم تشترين ثاني لان ينرفز

 

[ع ـبدليه]

انا جربت التج
استانسي فيه فتره بعدين بتطلع روووووحج
انا تعذبت مع سوني الشاشه تصير كلها سودا وماشوف منو يدق علي
وصار يعلق وايد .. غيرت جهازي وافتكيت
وقلت تووبه اشتري تج لانه حسااس ومايدوم وايد

 

[deema_06]

انا توني شاارية نوكيا 5800 قلت بجرب التش وكنت متخوفة منه لان طوول عمري اخذ موتورولا بس جني تحسفت لان من خذيتة ما كملت الشهر وهو يمكن فوق 3 مراات يعلق تعلييقة جاايدة مااادري كرهتة انا اقوولج اخذي ساامسونج حلو التش اتوقع احس من خراابات نوكيا

 

[بنات عطا]

نوكيا 5800 : يعلق وااااايد وااايد

احسن جهاز اهوا اي فون

جــود

 

[الـخـشـفـ الـنـداويـ]

فــــــــــــــــــــــــيونكهــــ :33_1185028183:


جربت samsong omnia

امبــــــــــــــــــــــــــــــييييي يجنن لقيته عند بنت معاي بشعبه وقلت لها استخدامه حلو ؟؟

عطتني اياه استخدمه طول المحاظره وكتبت مسج فيه ودخلت الصور وصورت يجنن يهبل عشقته :ceaf32e183:


اخيرا وجدت ظالتي خخ_03BA:

 

[برونزية الكويت]

انا عندي نوكيا 5800 باللمس يهبل بصراحه ما استغني عنه وااايد حلو وسهل

 

[أحلى عيون]

انا استعملت اللمس وماانصحج فيه بصراحه عباله يبط الجبد يعني اذا تبين تضغطين على زر كل الازرار الي تمر عليها اصبعج ينضغطون واذا تبين تكتبين مسج يبط الجبد بعد لازم تختارين من الشاشه مو من الارقام نفسها يعني مو نفس طريقه النوكيا بالارقام تضغطين

وعندج ليما تبين تدقين على اي احد باصابعج واذا انتي تسوقين سياره وتبين تدقين تتوهقين ماانصحكم فيه والله غثيث وايد

 

[LuLiTa]

انا جربت ال جي و يعور بالأستعمال و يلعوز و غثيث و ما انصح باي وااحد تااتش ,,,,,,

 

[قلــب ♥ღ دلـــع]

nokia 5800
انا شرييييييييته تحفه ولا اروع لا و رخيص
شاشته كبييييييييره و تونس خصوصا لا شبكت بالنت
هاذا غير نظام الستيرو
ووايد عملي
و تقدرين تحطين خليفيات عجيبه ع الكيف ع كبر الشاشه
و تنزلين العاب ولا احلى
نصيحه ما يتطوف