بنااااااااات انتم مثلي والاانا بالعصر الحجري

[lolocati]

لووووووووووووول....تحفه هالعرس


مو شرط انه العرايس صاااروو كلهم جذي بهالوقت كل بنت وطبعهااا في حييل يستحون في الجريئة والي نص ونص

 

[krkosha]

عادي حبيبتي يمكن من وناستها ,,, عبالج احنا نموت وريجنا ينشف على مانوصل الكوشه

 

[مراسي الحب]

يا ستي خلي الناس تفرح مش احسن من فلوس تنقط علشان تدخل العروس مدنقة راسها .. الناس فرحانة بعرسها .. وهي لازقة بكرسيها ... الناس اتطالعها وبس ...

والله يوم حفلتي ما قعدت على حيلي ههههههههه ... اصلا حتى كوشة ما سويت .... ليش المخاسير ... قعدت ارقص طول الليل .. والمعازيم هيصوا وما يبون يروحون البيت .. واستانست .. واهلي استانسوا وشافوني فرحانة ومستانسة ... وما خليت جنس ريال يقرب من الحفلة .... حسيت انا حللت الحفلة ... واهلي ما قطوا فلوسهم علشان الناس اتحش وتستانس وانا لأ ...

وكل واحد على راحته

 

[بناتي حبيباتي]

اليوم يومها خلوها تستااااااانس

 

[غلا مشاري]

حلات البنت بحياها حتى لو تطور الزمن ترى الرجال ينقد وده بوحده تستحي حتى لو عاجبه ولا قال شي بس في نفسه وده بلي تستحي
والحياء شعبه من الايمان

 

[حبي الاول]

في ناس جذي جريئه اول مره اسمع

 

[~ عز ~]

اكيد انتي تعتبرين عايشه في العصر الحجري اذا استغربتي من هالشي !!

سوري بس لاتزعلين اختي من صراحتي ..

الحين كل ماحولنا غريب !! كل شي حولنا تغير و تطور .. احنا دخلنا في العولمه


تغير غصبا عن انفنا مو بكيفنا


اشياء وايد اختفت مو بس العروس الحيويه هي اللي اختفت

انا ماشوف فيها شي .. صحيح حلات البنت بحياها .. بس اذا هي كانت جريئه فهذا معناه انها على طبيعتها


مو احسن من اللي تصطنع الحيا و هي تخوف اللهم ياكافي من تحت لي تحت !! ماتدرين بالمستخبي يمكن العن !!


وبعدين ترا طبيعي المعرس يستحي .. داخل على اكثر من 500 حرمه اكيد بيكون فيه حيا ..

مو معنى انه رجال لابد انه يكون ما يستحي واذا هي بنت لابد تستحي !!!

 

[الفراولـه]

ههههههههههههههههههههه وييني انا عن اهلعرس الصراحه شكلها متخرعه مسكينه ... انا يووم عرسي اخت زوجي تبيني ارقص مع زوجي الا تقومييين ترقصين على اغنيه فاضل شاكر ويارا .. قلت لها لاااااااا متسحيل اقول واهو بعد يستحي ومايحب هالسواالف
بس الله يهينيها

 

[WHO CARES!]

الوضع تغير والزمن تغير انا اشوفه عادي ما سوت شي وبسكم من الحش وخل الناس تسوي اللي يريحها هاليوم يومها ومن حقها تسوي اللي تسوي

 

[جنجن1980]

دنيا عجيبه !!!!!!!!!!!!

 

[الكويت غالية]

استغفر الله ياربي هذي مسخرة مو بعرس

لو انا موجودة جان طول العرس اضحك على المهبل

عروس وترقص لا وزافينها على اغنية مصرية ولا اقشر من جذي ان المعرس اهو المستحي والعروس بايعة الحيااااااااا

 

[مترجمه]

كل واحد حر بعرسه

ملينا من الروتين ..خلونا نجدد

 

[كوارين]

كل وحدة وطبعها في الي يستحون وفي الي عادي عندهم

 

[طفولية]

العرس الكويتي .. الي معروف عند الكل ..
ان البنت تنزف بروحها تدخل ..
وراها المعرس وابوه وابوها واخوانها واخوانه وعمامها وساعات خوالها يدخلون يزفون الريال لما يوصل الكوشة يرقصون شوي ويطلعون ..
ورى ما الكل يطلع من الريايل وما يبقى الا المعرس .. تصير رقصة العروس .. يحطون موسيقى ناعة مو نقازية وايد وفيها دلع شوي .. والبنت المفروظ انها ترقص رقص دلع وحياوي .. وتدور على الصالة كلها وتريد حق ريلها .. يمسك ايدها يصعدها الكوشة ويبوس راسها ..
وبعدين يقعدون شوي .. وينزفون اثنينهم ويطلعون .. هذا العرس المتعاااااااااارف علييييييه ..

بس لا يمكن ارضى ان يكون عرسي جذي ..
انا ابي عرسي اسلامي .. الريال ما يدخل ..
يعني مثلا في صالات وفنادق يكون فيهم غرفة وبنفس الوقت صالة .. مثل صالة الروضة .. العروس تكون داخل وينزف لها الريال بالغرفة الصغيره بروحه بس مع ابوي وابوه ومحارمي .. والحريم الي يحلون عليه .. يشرني العصير وهالسوالف .. وما يشوف شر يطلع ينطرني بره .. انزف حق المعازيم واقعد فترة .. وبعدين اطلع بره وخلصنا..
اما غير جذي لااااا ..

 

[وجه البدر]

يازيييييييييين الحيااااااا زينااااه
اصلا حلاة العروس بحياها بليلة عرسها الناس بتقول ماشاءالله امها صج ربتها ويابخت اللي ماخدها اهني صج حشووووووا

 

[حنوووونهـ]

وي شنو هذا المعرس صار هو العروس صج اي شي
عروس حلاتهه بحياهه مو جذي الثقل صنعه
واااااااااااااااي شهالعرايس لو اني اعرفة من سنسن خطيبي مااسوي جذي شلون يحس زوجهه بأنثوتهه
والشرهه على زوجهه صراحة هو طوفه هبيطة وع شنو هذا

 

[عيد الفرح]

سمحيلي اختي اقولج انج مبين فعلا انج من زمان مو حاضرة عروس الحين الوقت تغير وكل عروس السعودية والخليج صارت العروس ترقص
انتي شلي مزعلج بالموضوع كيفها ليلتها وتبي ترقص فيها
انتي ليش مستغربة بعرف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[راجية الرحمة]

سمحيلي اختي اقولج انج مبين فعلا انج من زمان مو حاضرة عروس الحين الوقت تغير وكل عروس السعودية والخليج صارت العروس ترقص
انتي شلي مزعلج بالموضوع كيفها ليلتها وتبي ترقص فيها
انتي ليش مستغربة بعرف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حبيبتي انا ما استغربت لاني سامعة كثير زواجات كذا بالسعودية بس ماشفت بحكم اني كنت عايشة بالكويت ولما جيت السعودية اغلب الزواجات الي حضرتها اسلامية
بس عشان افيد الكل ترا والله طلع شكلها موشي والكل ضحك عليها لدرجة لما مرت من رفيجاتها صارخوا وتشققت من الضحك وشكلها لج عليه لان العروس حلاتها بحياها وابتسامة حلوة وبسيطة:eh_s(7): موكل ضروسها طالعة:dddds:
تفرح عادي بس موجذي:eh_s(9):
وسوري اذا كنت من الدقة القديمة بس الا هالشغلة حراااااااااااااااام تغير
تصدقون لما وصلت الكوشة وشافت امها وابوها واخوانها انا جتني البجية وكان ودي اصيح لانها بتروح عنهم
والا محد يمي العالم ضحك ورقص ماشاءالله الله يتمم عليهم بس ارجع واقول الحيا يزين العروس والجرأة تخربها

 

[LA TROO7]

قويه هذي مهما كان حلات العروس بحياها

 

[LA TROO7]

العرس الكويتي .. الي معروف عند الكل ..
ان البنت تنزف بروحها تدخل ..
وراها المعرس وابوه وابوها واخوانها واخوانه وعمامها وساعات خوالها يدخلون يزفون الريال لما يوصل الكوشة يرقصون شوي ويطلعون ..
ورى ما الكل يطلع من الريايل وما يبقى الا المعرس .. تصير رقصة العروس .. يحطون موسيقى ناعة مو نقازية وايد وفيها دلع شوي .. والبنت المفروظ انها ترقص رقص دلع وحياوي .. وتدور على الصالة كلها وتريد حق ريلها .. يمسك ايدها يصعدها الكوشة ويبوس راسها ..
وبعدين يقعدون شوي .. وينزفون اثنينهم ويطلعون .. هذا العرس المتعاااااااااارف علييييييه ..

بس لا يمكن ارضى ان يكون عرسي جذي ..
انا ابي عرسي اسلامي .. الريال ما يدخل ..
يعني مثلا في صالات وفنادق يكون فيهم غرفة وبنفس الوقت صالة .. مثل صالة الروضة .. العروس تكون داخل وينزف لها الريال بالغرفة الصغيره بروحه بس مع ابوي وابوه ومحارمي .. والحريم الي يحلون عليه .. يشرني العصير وهالسوالف .. وما يشوف شر يطلع ينطرني بره .. انزف حق المعازيم واقعد فترة .. وبعدين اطلع بره وخلصنا..
اما غير جذي لااااا ..

لاتعممين ولاعمري شفت عروس ترقص وعععععععع وعيب وين قاعدين وانتي تقولين معروف كل عرس كويتي !!

غلطانه حياتي