امهات طلبة مدرسة القطوف ..........

[دخــــــــــــــــون]

السلام عليكم امهاااات


عيالكم بالقطوف
وصلكم خبر زيادة الرسوووم والمدرسه صارت نموذجيه

بتكملووون بالمدرسه والا ناااوين تطلعون عيالكم منها
انا اليوم بنتي قالت لي بنات وايد تعرفهم بيطلعون
يمكن اغلبهم الوافدين ... مساكين وين يروووحون

شنووو قراركم ؟؟؟

 

[omsaja]

هلا والله إيي سمعت بصراحة ظاق خلقي والله يعيني ويقدرني اكمل بناتي عندهم بالإبتدائي بس وبطلعهم أصلا هذي نيتي من قبل لا يرفعون الأسعار عندي 2 بالقطوف بأولى إبتدائي وثانية روضة أحاتي رفيجاتهم الوافدين إذا اطلعوا يحنون علي بيطلعون مع رفيجاتهم؟!!!!!!! مادري شنو نظامهم اليديد؟ شنو بيستفيدون عيالنا؟وشلون نسأل ؟بس مومعقولة الأسعار يرفعونها للدبل!!!!!!!!! مرة وحدة يعني لو يزيدون 100 حلو الله يعين الوافدين مساكين اللي كل عيالهم بهالمدرسة ويعينا انتي شتبي تسوين؟كلمتيهم؟

 

[دخــــــــــــــــون]

هلا والله ام سجى
اخيرا احد عبرني ههههه

انا عندي 3 بالابتدائي والروضة
ومو هاين علي اطلعهم وبنتي الكبيرة تحاتي رفيجاتها
كلمت المحاسبة وقلتلهم اخاف كل سنه تزيدوون
العام زادونا بعد
عالعموم ان شاء الله ترتقي للاحسن
وشفتي موقعهم وااايد حلو
ويقولج كل شي عن صف الطالب من امتحانات وواجبات يعني فيه تطور

 

[omsaja]

إيي دخلت الموقع حلو وواااااايد يفيدني لما بنتي تجذب علي او تخش علي واجباتها بس شردت عليج لما قلتها عن مخاوفج؟ انا للحين ما كلمتهم عاد لا يمصخونها ويزيدون الله يستر منهم

 

[المحاميه]

السلام عليكم

خواتي اذاا ممكن ابي موقع القطوف

 

[دخــــــــــــــــون]

taalep.com
بس لازم يكون احد من عيالج بالمدرسه
لان فيه اسم مستخدم وكلمة السر
يعطونج اياها المدرسه

 

[دخــــــــــــــــون]

والله يا ام سجى
قالت لي والله ما عندنا فكرة راح تزيد بعد او لأ
اشوف المدرسات اليوم الصبح كل وحدة يدخل معاها 2 او اكثر من عيالها والله حرااام
بس اللي باااط جبدي بالموضوع انه المدرسه اهليه شكو يزيدونها اكثر من الدبل

وماكو احد من اولياء الامور معارض
معقوله محد كلم الادارة

 

[دخــــــــــــــــون]

امهاااااااااااااااااااااات القطووووووووووووووووف

معقوله ماكووووووووو احدددددددددددددددد

وينكم

 

[دخــــــــــــــــون]

شفيكم محد رد على الموضوع
يعني اذا في احد بالقطوف كلكم مستانسين على رفع الرسوووم

وانا اشوف وايد امهات معانا كانوا يسئلون عن القطوف وهذا الدليل
http://q8yat.net/showthread.php?t=162863

 

[omsaja]

هلا دخون مادري شقولج بصراحة المدرسة واااااااايد ممتازة مابي أطلع بناتي ومادري أكلم منو أخاف إذا كلمت الوكيلة ولا الناظرة بتقولي إذا ماتقدرين طلعيها ومعاها حق إذا ما اقدر أطلعها ليش أجادل وأتحلطم!!!!!!!بس اللي بعرفه أخاف يزيدون الرسوم كل سنة؟عاد بالغصب درست وكسرت الميزانية وإن شاء الله نكون قادرين نكمل بناتي الإبتدائي بس عادلا يمصخونها ويستغلون نقطة ضعفنا وكل شوي يزيدون باجر إن شاء الله بشوف إذا أقدر أمر عليهم أكلمهم لازم يسولونه اجتماع يوضحون لنا شسالفة الزيادة؟ وشنو المميزات اللي بيستفدون منها عيالنا

 

[دخــــــــــــــــون]

هلا ام سجى
انتي وينج
ما رحتي اليووووم ؟؟؟؟؟؟؟؟؟؟؟
من صجج ؟؟؟
اليوم الطابور لي باب المدرسه
واقفين وارقام وحالتنا حاله
واقول حق وحده من الوافدين ( توفعت اطلعون عيالكم تقولي وين انوديهم انتوا كويتين عنكم حكومه وبلاش لووووول )
لحقي عالتسجيل حبوبه راح ياخذون بس 25 طالب بالصف هذا على كلام الامهات
والله من الوقفه اليوم ظهري ذبحني من العوار
والحين راسي بينفجر من التعب
ما توقعت كل الناس بتسجل عيالها وتوقعت وااايد يطلعون

 

[78MariMar78]

عيالي مو بالقطوف يس تروالي الرسوم ارتفعت في كل المدارس...
اذا امكانياتكم تسمح .. خلي عيالكم بالمدرسة لأنها ممتازة

وبالتوفيق للجميع

 

[دخــــــــــــــــون]

مشكورة ماري مار
انا خلاص بخليهم
لانها فعلا ممتازة

 

[omsaja]

هلا والله أنا إن شاء الله الله يقدرني وأكمل بناتي فيها

 

[باونتى]

بغيت أسأل جم كان رسومهم قبل والزياده شكثر ؟؟؟؟؟

 

[Bnt.Azmer]

بغيت أسأل جم كان رسومهم قبل والزياده شكثر ؟؟؟؟؟

ن بعد بعرف قبل وبعد ضروري خصوصا للأبتدائي وصج الصبيان لي ثلثة ابتدائي والي مدخله ولدها بعدين وين تودي اي مدرسة؟ وكتبهم نفس الحكومة بكل شي؟

 

[دخــــــــــــــــون]

باونتي وام خالد

رسومهم كانت 170 للروضة
و250 للابتدائي
وما اذكر جم المتوسط

والعام زادونا تقريبا 30%
الروضة صارت 210
والابتدائي 300
والحين زايدينا الروضة 500
والابتدائي 600
والمتوسط 700
والله حاله
وبخصوص الصبيان فعلا 3 ابتدائي وبس
بس والله ممتازة وامهات الصبيان يمدحونها واااايد للصبيان
وحياكم

 

[سيدة الكويت]

شنو منهج الأنجليزى بريطانى ولا أمريكى ؟؟؟؟

 

[أمواج البحر]

وايد يمدحون مدرسة القطوف

انا اقول دام انها ممتازه خلوا عيالكم

ما عليه اول شي تستصعبون الزياده بعدين تتعودون

والله يوفق عيالكم

 

[dectora 7elwa]

السلام عليكم امهات القطوف فعلاالزياده كانت صدمه بس اللي قريته بالجريده انها زادت الاسعار لانها صارت نموذجيه فياليت يكون التغيير للاحسن