♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

[ام_مرام]

♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣


♣ ♣♣ ♣ ♣ طريقة طلب الفيزا البريطانيه بالصور ♣ ♣ ♣ ♣ ♣
** أعذروني بنات ... لاني مشاركه في منتدى ثاني و حملت الصور عليهم

السلام عليكم و رحمة الله و بركاته
شلونكم

انا ان شاء الله رايحه في يوم 18/4/2009 ل بريطانيا للعلاج ...
بس شفت كثير يسألون عن الفيزا و طريقتها و شروطها ....
راح أقولكم طريقة الفيزا العلاجيه ... و أكيد السياحيه و الدراسيه تشبه لها
و طبعا راح أشرح بالصور ....

الاوراق المطلوبه للفيزا ...

اذا رايحين علاج نفسنا ... لازم تأخذون ورقة الموعد من ادارة العلاج بالخارج ... هذي هي :

و بعد هذي الورقه ... ورقة طلب فيزا :

و طبعا الجوازات : أو صور عنها ..

و صور شخصيه خلفيتها بيضه ... نفس حجم صور الجواز .. 4 6x
بالحجاب ... لا أحد يقط حجابه

كشف حساب من البنك لآخر 6 أشهر

و شهادة راتب ... تبين شكثر معاشج


جهزتوا الطلبات !! ألحين نروح ل المركز البريطاني للتأشيرات :
يفتح من الصبح يمكن الساعه 9 و يسكر الساعه 4 العصر

مكانه عند البنك المركزي :

لما توصلون ل المركز ... طبعا يقولون لكم حطوا التلفونات صامت ... و يفتشونكم قبل تدخلون
بعدين يعطونكم استماره تعبونها ....

تعبئة استمارة طلب الفيزا :

و الله الاستماره تخرع ... كأنها امتحان .. ألف صفحه و كلها انجليزي ... انا الحمدلله زينه بالانجليزي بس فيها اشياء مو مفهومه ... و كان باقي نص ساعه و يسكرون ... قلت للموظف اللي هناك عبيها لنا قال ممنوع
قعدنا انا و زوجي نعبيها و اللي ما عرفناه خليناه ... و ردينا للموظف ... لقينا الهندي اللي عنده يعبي ل ناس
يوم شاف اننا شفناهم ... عبى لنا الورقه
و طبعا نص الكلام اللي كتبناه غلط أكيد قال عننا هذول مو كفو يروحون لندن

و بعد ما عبى لنا الورقه ... عطانا رقم و نطرنا دورنا ...
و لما جى دورنا ... عطيناهم الاوراق المطلوبه و كل شي
و دفعنا الفلوس ... 30 دينار للشخص
يعني انا و زوجي ب 60 دينار
لمدة 6 شهور
قلت ما فيه اكثر من 6 شهور
قال العلاج لهم فقط 6 شهور
و بعدين رحنا ل غرفه مسكره ... أخذوا مننا بصمة العين و بصمة الاصابع
و قالوا بعد 3 أيام تجون تأخذون الفيزا
و عطونا وصل عشان نستلم فيه الفيزا
و فعلا 3 أيام بالضبط و خلصت الفيزا
و هذي هي :

و نفس ما شايفين ... مبين فيها تاريخ بداية و انتهاء الفيزا ...
احنا طلبنا انها تبدأ من 18/4/2009 ... يوم السفر ان شاء الله

يتبع ::::::::

 

[ام_مرام]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣


و بعد ما طلعت الفيزا ... رحنا حجزنا التذاكر ...

و الاسعار ناااااااااااااار
الله يخلي لي امي الغاليه ... حجزتهم من وراي

و ما بقى الا اننا نسافر .. ان شاء الله
نسيت اقولكم ... سألت من ورى امي عن اسعار التذاكر ... و طلعت التذكره الوحده = 185 دينار
ان شاء الله ما اكون نسيت شي ...
و ان شاء الله راح أتواصل معاكم من هناك قد ما اقدر ...
أدعوا لنا نروح و نرجع بالسلامه ...
و ادعوا لنا بالذريه الصالحه
ربي هب لي من لدنك ذريه طيبه انك سميع الدعاء
ربي لا تذرني فردا و انت خير الوارثين

 

[Swan]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

تروحون وتردون بالسلامه
والله يسهل عليكم اموركم ويرزقكم بالذرية الصالحه

 

[RAIN FALL]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

تروحون وتردون بالسلامه
والله يسهل اموركم ويرزقكم بالذرية الصالحه , بس بقيت اتاكد شهادة الراتب الاثنين ولا بس الزوج
و انتو اول راح تمرون المكتب الصحى ولا سيده الموعد بالمستشفى؟
انا بعد مقدمة لندن بس لي الحين ما توقع القرار , شكثر طول الموعد عشان ردو عليكم مركزنا بلندن
ميخالف طولت عليك عذريني

 

[أسيل]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

ياعمري يا المرام تروحون وتردون بالسلامه وتوأمكم الصالح والمعافى بين ايدينكم قولي آآآآمين

بس بغيت اعرف هالسعر من اي طيران معقوله لندن هذا سعر تذكرتها ؟؟؟

 

[الزيزفونه]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

يارب تردينا بالتؤم المعافي ان شاء الله ويرزقنا الذريه الصالحه

 

[$غــ(ز)ــل$]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

ياااحيااتي مااقصرتي
والله يسهل امووركم ياارب
وتردين ومعاج احلى توأم

 

[اشتاق الى الجنة]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

باتوفيق يا ام مرام

بس بغيت اسأل
الصور لا زم اصور والا شنو وكم صورة؟؟
والعلاج من الدولة للندن 3 شهور والا 6 شهور؟؟
لا والفيزا فيها فلوس بعد لحووووووووووووول لا بالله رحنا فيها
واي طيران رايحة؟؟

تكفين ردي علي واللي يرزقج بالحمل السليم الثابت

 

[نيبال الايمان]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

ضى الايمان


الله يسهل لكم اموركم وما تردون الا وانتم شايليين النونو بحضنكم اللهم امين يارب


وعسى الله يرزقنى ويرزقج ويرزق كل محروم ومحرومه منهم اللهم امين يارب

 

[ام_مرام]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

نسيت احط لكم صور التذاكر :

اليوم رحت للعلاج بالخارج و عطيتهم صور للفيزا و التذاكر ...
و عطوني كتاب اوديه ل دوامي .. و كتاب لزوجي لدوامه
عشان يعطونا اجازه مرضيه و يمشون المعاش

و الحين بقى السفر

 

[ام_مرام]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

جزاكم الله خير يا بنات
راح ارد على الاستفسارات ..

تروحون وتردون بالسلامه
والله يسهل عليكم اموركم ويرزقكم بالذرية الصالحه

تسلمين يالغاليه

تروحون وتردون بالسلامه
والله يسهل اموركم ويرزقكم بالذرية الصالحه , بس بقيت اتاكد شهادة الراتب الاثنين ولا بس الزوج
و انتو اول راح تمرون المكتب الصحى ولا سيده الموعد بالمستشفى؟
انا بعد مقدمة لندن بس لي الحين ما توقع القرار , شكثر طول الموعد عشان ردو عليكم مركزنا بلندن
ميخالف طولت عليك عذريني

الله يسلمج يا عمري
شهادة الراتب لنا احنا الاثنين ... و تأكدي منهم لازم ولا لا!! مكن مو لازم بس اخذوهم مننا وخلاص
والله مدري لازم بالاول امر المكتب الصحي ولا عادي اروح المستشفى
بأسأل و اعلمج
والله الموعد طول حيل ... من 11/3/2009 الى 6/4/2009
و يختلف من وحده للثانيه ... و الشي الوحيد اللي يطول هو الموعد ... ان جا الموعد معناه خلاص بسرعه تمشين ان شاء الله

ياعمري يا المرام تروحون وتردون بالسلامه وتوأمكم الصالح والمعافى بين ايدينكم قولي آآآآمين

بس بغيت اعرف هالسعر من اي طيران معقوله لندن هذا سعر تذكرتها ؟؟؟

الله يسلمج يالغاليه
هذا الطيران البريطاني ... و الكويت اقل منه ب 10 دنانير
و لما دخلت موقع البريطاني لقيت التذكره ب 200 دينار المفروض من الموقع ارخص
الاسعار غلت بشكل مو طبيعي

يارب تردينا بالتؤم المعافي ان شاء الله ويرزقنا الذريه الصالحه

جزاج الله خير

ياااحيااتي مااقصرتي
والله يسهل امووركم ياارب
وتردين ومعاج احلى توأم

تسلمين و جزاج الله خير

باتوفيق يا ام مرام

بس بغيت اسأل
الصور لا زم اصور والا شنو وكم صورة؟؟
والعلاج من الدولة للندن 3 شهور والا 6 شهور؟؟
لا والفيزا فيها فلوس بعد لحووووووووووووول لا بالله رحنا فيها
واي طيران رايحة؟؟

تكفين ردي علي واللي يرزقج بالحمل السليم الثابت

الله يسلمج حبيبتي
اي صوري نفس مقاس الجواز بخلفيه بيضه
انا اخذت كل صوري معاي لكن ما خذوا الا صوره او صورتين ... ما انتبهت
العلاج ما حددوا ... لكن الفيزا تنتهي بعد 6 شهور
و حتى العلاج ما يطول عن 6 شهور
الطيران البريطاني

ضى الايمان


الله يسهل لكم اموركم وما تردون الا وانتم شايليين النونو بحضنكم اللهم امين يارب


وعسى الله يرزقنى ويرزقج ويرزق كل محروم ومحرومه منهم اللهم امين يارب

جزاج الله خير

الله يرزقج الذرية الصالحة يارب

جزاج الله خير

 

[اشتاق الى الجنة]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

الله يوفقج يا ام مرام

واكرر عليج مرة ثانية

انتي مراسلتنا في لندن اوووووووووووووووووووووووكي؟؟؟

وتقوليلنا عن اسعار الشقق وكل شي هناك
والله بأذيج بس تحملينا

 

[أسيل]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

موفقه ياقلبي خووووش موضوع ............بنتظار تقرير سفرتج

 

[أم أفنان]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

الــســـلام عـــلـــيـــكــم ورحــــمـــة الـــلــه وبــــركــــاتـــه

أشــــلـــونـــج أخـــتــــي الــــغـــالـــيـــه الــــــمــــــرام قــــربـــت الــــســـفــــره أنـــشـــاءالـــلــه أحـــنــا ســـفــرتــنــا
25-5-2009

حـــجـــزتـــو فـــنــــدق او للــحـــين لازم نـــتــــعــــرف عـــلـــيــكــم هـــنــــاك فـــى لـــنـــدن


واذا حـــجـــزتـــو شـــقــه عـــطـــيــنى خـــبــــر

 

[اشتاق الى الجنة]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

ام مرام وام افنان
عقبال ما نجتمع فيكم بالخير في لندن انا وضي الايمان ونتباشر بحمالتنا انشالله يا رب يا كريم

 

[أسيل]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

موفقين حبايبي .......................مراسلات لندن

 

[RAIN FALL]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

بارك الله فيك الصراحة ما قصرتي عسى ربي يرزقك كل الي في بالك
درب السهالة يا رب
يا احلي مراسلة

 

[اهـات]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

يارب تردينا بالحمل المعافي ان شاء الله ويرزقنا الذريه الصالحه

 

[ام_مرام]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

بنات ...
نسيت أقولكم ... قبل نحضر موعد المستشفى لازم نمر على المكتب الصحي

الله يوفقج يا ام مرام

واكرر عليج مرة ثانية

انتي مراسلتنا في لندن اوووووووووووووووووووووووكي؟؟؟

وتقوليلنا عن اسعار الشقق وكل شي هناك
والله بأذيج بس تحملينا

موفقه ياقلبي خووووش موضوع ............بنتظار تقرير سفرتج

الــســـلام عـــلـــيـــكــم ورحــــمـــة الـــلــه وبــــركــــاتـــه

أشــــلـــونـــج أخـــتــــي الــــغـــالـــيـــه الــــــمــــــرام قــــربـــت الــــســـفــــره أنـــشـــاءالـــلــه أحـــنــا ســـفــرتــنــا
25-5-2009

حـــجـــزتـــو فـــنــــدق او للــحـــين لازم نـــتــــعــــرف عـــلـــيــكــم هـــنــــاك فـــى لـــنـــدن


واذا حـــجـــزتـــو شـــقــه عـــطـــيــنى خـــبــــر

ام مرام وام افنان
عقبال ما نجتمع فيكم بالخير في لندن انا وضي الايمان ونتباشر بحمالتنا انشالله يا رب يا كريم

موفقين حبايبي .......................مراسلات لندن

بارك الله فيك الصراحة ما قصرتي عسى ربي يرزقك كل الي في بالك
درب السهالة يا رب
يا احلي مراسلة

يارب تردينا بالحمل المعافي ان شاء الله ويرزقنا الذريه الصالحه

جزاكم الله خير على مروركم
اي ان شاء الله انا مراسلتكم اللندنيه
و اي وحده تحب نتلاقى ... تراسلني على الخاص
و اللي تحب تستفسر عن اي شي لا تتردد ... انا تحت امركم

 

[اشتاق الى الجنة]

رد: ♣ ♣ ♣♣ ♣ ♣ طريقة طلب الفيزا بالصور ♣ ♣ ♣ ♣ ♣

شكرااااااااااااااااااااااااااا

يا أفضل مراسلة في لندن وهالله هالله فينا

طمنينا عن الأحوال هناك واشلون الأمور

لأن بصراحة أول مره نروح دولة أجنبية واللغة ميييييييييييييييييييييييييييييييييييييييييح