تجمع امهات العالمية الامريكية

[mr000]

سلام بنات اشلونكم شخباركم ! زين قلتولي عن التطعيم علشان أتطمن بس لازم نسأل متى ححسن وقت تاخذه لأن توها مطعمينها تطعيم مال عمر السنه!أنزين كراميلا ولدج كان يصخن على تطعيم الانفلونزا والشنيتر؟ ياربي مالي خلق تصخن علي تالي مسكينه لاحظت أنها وايد تتبهدل وتصخن عدل عقب كل تطعيم وترجع الحليب وتبجي وايد يمكن يومين حتى سألت الطبيبه آخر مره ليش يصير فيها جذي ماأذكر عيالي كانوا يصخنون ويتبهدلون لي هالدرجه قالت لأن التطعيمات زايدين جرعتها وهم أقوى من قبل! المهم آخر أخبار لندن اليوم عوضنا أمس اللي كان يوم فاشل رحت برايتون اليوم والجو شمس بس براد حلو وسوقها حلو يونس غير أكسفورد بس بسرعه يسكر الساعه5 سكروا المحلات مالحقنا علما رحنا السي لايف وتغدينا في بيتزا هت! سارا الحمدلله على سلامة ولدج مايشوف شر!يلا باي باجر نكمل الرساله الاخباريه

 

[caramella]

حبيبتي والله فوز الله يساعدج و ما عليه إنشالله إهي فترة ضغط إشوي و تعدي
والله النساة لي ألحين يا وخيتي اللوعه شغاله إنشالله تخف علي بسرعه
ولدي إسمالله عليه الستار أوف ذ ويك بحضانته حده متشقق إقولي يما حاطين صورتي و يمها ستار
سارونه ما يشوف شر سلوم حبيبي سويتي العمليه و إفتكيتي إنشاللع يا ربي دوم بعفو و عافيه
ريمان إي أهو هذا التشيكن فليه أبس التشيكن بوكس الشنيتر والله إذا ما حاش ولدج لي الحين نصيحه طعميه و إفتكي
آنا قبل لا أطعمه لا أشوف ياهل في شنيتر و يمر يم ولدي أيننننننن ما أبي إصير فيه بس أشوه من طعمته ما أحاتي حتى مدرسته بلندن مختبصه تقولي اليوم عندنا حاله إكتشفنا فيها تشيكن بوكس يمكن ولدج يتعادى قلت لها الحمدلله مطعمته عادي ما يتعادى و الحمدلله ربي ما قصر ما صار فيه و إنشالله ما إصير فيه

 

[sara999]

مادري كاراميلا اخاف من هالتطعيمات أخاف تأثر على البلوغ بعدين...... مادري ماعندي فكره عنهم بالمره بس كل مره اشوف اوراق لما اوديه العياده ... اذا فضيت ودي اروح اسأل عنهم

 

[lyale]

سلام مامات شلونكم وشلون عويلكم
المهم انا لازم ادخل اطفركم بس شسوي بنتي مرضت وتفاقم المرض معاها وصار لها حساسيه تخيلو عشرة ايام وانا عابل فيها وكله من الانتي بيتك واليوم بقيت اقدم شكووو علي مستشفي الموساة صج صج بطو جبدي اليهال ما يطيب عندهم الا لما يسوي تحاليل ودربات وانا تاذيت والله من بلاعيم بنتي بس بجرب التطعيم او اشيل اللوز احسن يلا بنات شنو تنصحوني صج تعبت معاها ومسكينه اليوم الحساسيه ما كله جسمها كان احد طاقها محمر بكل مكان بسبب antibiotic بنات الي تعرف دكتور اطفال زين تعلمني عليه

 

[ReeMaN]

اي اشوه دام اهو التشيكن بوكس عيل الحمدلله افتكيت صار بولدي لما كان عمره سنه و8 شهور وطبعا معاه قبيله من عيال خواتى تعادو معاه ... وافتكينا من هالمرض بالجمله الله يحفظهم ......

انا الى الحين بين وبين بسالفه التطعيم ابي معلومات عنه لازم نستظيف دكتوره اطفال بهالتجمع عشان اتفيدنا بكل شي

اختي ليالي الحين اغلب المستشفيات الخاصه من هادي ومواساه كله تجاره مايهمهم روح المريض كثر مايهمهم الفلوس
انا اقول استقري على طبيب واحد ولاتغيرينه احسن يكون عارف لها حزة الحزة ... انا احب اتعامل مع الدكتور مازن العيسى وايد ممتاز وباله طويل على الياهل وعلى اولياء الامور يعلمج على كل شي مع ان عيادته بعيده عليبخيطان وزحمه عنده بس احب اتعامل معاه وعندج عفاف الرومي عيدتها بالجابريه انا جربتها مره وماحبيت اتعامل معاها بس واااااااااااااااايد اللي يمدحونها يمكن وقتها اهى مالها خللقي مادري بس يقولون زينه ... وانشالله البنات يفيدونج اكثر

خوش تجمع قلبنا طب

 

[Fouz]

والله فوزو خبستي قلبي قلت من صجها هاللي ماعندها سالفه بتسحب اوراق بنتها عيل انا وراها بسحب اوراق ولدي خخخخخ

شرايج فيني و انا أمثل،، أثرت عليج ها _03ba:

حبيبتي والله فوز الله يساعدج و ما عليه إنشالله إهي فترة ضغط إشوي و تعدي
والله النساة لي ألحين يا وخيتي اللوعه شغاله إنشالله تخف علي بسرعه

مشكورة حبيبتي و ان شاءالله تخف اللوعة و عسى الله يتمم عليج

بنات الي تعرف دكتور اطفال زين تعلمني عليه

سلامات و ما تشوفون شر ان شاءالله
انا اودي بنتي عند فهد المخيزيم ، و اكو دكتورين في انترناشونال كلينك وايد زينين ياسر القحف و مدثر بس لازم تحجزين،، و قبل كنت اراجع عند عفاف الرومي بس هونت من الزحمة لازم ننطر على الاقل ساعتين، بس حاليا عند المخيزيم و الحمدلله مرتاحة منه، العيادة مالته العصر و الصبح يداوم في مستشفى مبارك

 

[حلم الطفولة]

Hi Hi Hi

 

[Fouz]

hi hi hi

يا هلا بحلم الطفولة حياج الله حبيبتي

 

[ReeMaN]

هلالالالالالالالالالالالالا والله حلومه شلونج شخبارج شلونج مع العطه وين اتروحين مع البنيات ووين اتجين ... ياربي مادري وين نودي بهاليهال كل مارحنا مكان مايبين بعينهم شي جنهم ماطلعو

 

[Fouz]

استأذن يا بنات وراي دوام مع الأسف
نشوفكم على خير و تصبحون على خير و عافية و أحلام سعيدة

 

[حلم الطفولة]

حولي بارك ... << من الساعه 3:30 تكون مافتحت الألعاب الخارجيه بس الألعاب بالصاله تكون مفتوحه ومو زحمه وفرصه تتغدون هناك .. وتلعبون لعب خفيف على مايتهضم الغدا وبعدين أربع ونص تفتح الألعاب الكبيره الخارجيه .

المثنى << أموت عليه : مكتبات يشترون منها قصص + مكان كامل ألعاب طفل المستقبل + محلات + مطاعم ....
مجمع الكوت .. والقعده الخارجيه أمام النافووورااات .. وناسه ..

والله والله ؛؛>> .. يوم البحار !! .. ترى تغيير ..

 

[ملكة بيتها]

هاي مامات شلونكم وشلون الحلوين والحلوات الصغيرين
بالنسبه للتطعيم أنا معاه .....وبالنسبه لعمليه إزاله اللوز كمان معاها .......كفايه مرض ولوووووعه جبد وعدوى ( وحده كل ما مرضت بنتها تاخذ العدوى)
ليال .....ما تشوف شر بنوتج
فوز حياتي ....أقول المنتدى منور أثر هذا نورج
مرووو .... واي ياحلات سوق برايتون صج يهبل المحلات اللي فيها أصحابه مصممين أزياء يعرضون بضايعهم
ساره .... ريمان ....كارميلا ....وكل المامات حبايبي إنتو​

 

[حلم الطفولة]

أحبكم ... وأسأل الله ان يجمعنا على الخير دائما ...
وآنا بعد أستأذن ... عذروني مو قاعده أقرا المشاركات << عندي سبب ..
بس لفت نظري ليال ..<< ودي بنيتج الاميري أحسن من الخاص .. والله الشافي ماتشوف شر حبوبه ..

 

[ReeMaN]

والله خوش افكار حلم ماجربت اروح حولي بارك اسم حولي يلوع الجبد زحمة وضيم .... بس انشالله انجرب انروح هناك ليش لا ..... اليوم رحنا الكوت ماشالله بطلعه الروح حصلنا مصفط مع ان يوم من ايام الاسبوع مو ويك اند بس الجو كان مو شي رطوبه على غبار ... اتفقنا انشالله انروح الترفيهيه يالخميس يا السبت بالنهار وانشالله يستانسون اليهال وكل عام وانتو بخير ....

فوز وانتى من اهله حبيبتى انشالله تحلمين فينى يارب حق الكوابيس هههههههه اسملله عليج اتغشمر
هلا والله ملوكه حلوه المامات مالتج بسالج عيالج بالعالميه ؟؟

 

[lyale]

ريمان وفوز اشكركم علي النصيحه صح انا سامعه عنه د/ مازن العيسي يمدحونه بس نفس ما قلتي ريمان بخيطان واستبعدته لا بس هالمره بروح اجربه لان بعد الي شفته تقريبا كل شهرين ثلاث بالموساة ودربات وتنويم لازم اغير هم بشوف عيادة انترناشونال كلينك وبسئل يعطون التطعيم العيادات ولا لازم مستشفي
ملكه بيتها وحلم الطفول الشر ما ايكم

 

[lyale]

وعلي طاري لندن وجوها ومطرها وعيالنا ما يستمرضون فيها صج انا ما احب جوها بس والله ارحم من جونا الي كله امراض وعيالنا كله مرضا

 

[ReeMaN]

ليلالي جو لندن مايمرض لان دايما المطر مايوقف عندهم ماشالله صيف وشتا وهالمطر يغسل الجو غسال شلون يمرضون

 

[ReeMaN]

اختى ليلاي سالي قبل لاتعزمين على التطعيم اخاف مايوالم كل اليهال مع ان وايد نفع معاهم التطعيم ووايد خف عليهم المرض ... انا اختى ماخذه هالتطعيم العام بس اهى كبيره واتقول وايد فرق معاها يعنى لاصار معاها انفلونزا ايصير خفيف ومايطول معاها المرض يعنى مو اللي كلش ماتمرض ...... وانا انشالله مفكره اخذ هالتطعيم بس اخاف مايصلح حق الجهااال

 

[caramella]

السلام مامات عامر عامر التجمع ماشالله
ليال ما تشوف شر بنيتج إنشالله و آنا أراجع بولدي عند د. ياسر القحف بإنترناشيونال كلينيك وايد خوش دكتور آنا ارتاح له وعطيت ولدي تطعيم الشنيتر عنده و الإنفلونزا أعطيه إياه إبلاش كل سنه شهر 10بالحكومه ياخذه ولدي في مستوصف الصقر و ما قصرو البنات إذكرولج دكاتره زينين وفي منو اللي ترتاحين له و كملي عنده خلي بنتج على ظغيد دكتور واحد أفضل و هالدوا اللي تحسست منه حفظي إسمه عشان تقولين لأي دكتور ثاني إنه عندها حساسيه منه
ساره إذا ولدج مو محتاج التطعيم ماله داعي تطعمينه دام شلتي لوزه و إرتاح خلاص ليش تعرضينه للتطعيمات
مرووو عليج بألف عافيه و ناطرين النشره اليايه
فوز الله يسلمج حبيبتي

ملكة بيتها تسلمين يا قلبي
حلم الطفوله منوره التجمع
ريمان إشلونج من الفلونزا إنشالله أحسن؟؟؟

 

[ملكة بيتها]

فوز وانتى من اهله حبيبتى انشالله تحلمين فينى يارب حق الكوابيس هههههههه اسملله عليج اتغشمر
هلا والله ملوكه حلوه المامات مالتج بسالج عيالج بالعالميه ؟؟[/QUOTE]

هلا حبيبتي أنا عندي عيله وحده ربي يخليها لي ، أنا بنتي مو بالعالميه هي الحين في البلاي جروب العالميه نظام أمريكي ينزل مواليد بنتي سنه فمن هيك هي مش بالعالميه بس أحب هالمدرسه هذااااا التجمع الرائع :gathering: