قصة حب بين طلال وشيخة ... مو صج!!عجيــــــــــــبه... "قصة حقيقية"

[aldana]

لالالالالالالالالالالالالالا رونه كملي متابعين و بعنف ................ يالله شدي حيلج مافينا صبر للعصر

 

[esperanza]

شقصدج ؟

شوي ما فهمت .. بس عااااادي الحين والعصر

يعني نبي الحين بعد

 

[Shima-Style]

لالالالالالالالا بليززززززززززز كملي الحيــــــــن

 

[دمي خفيف]

ويي شصبرني انا وراي جامعه الحين
انا بروح الحين وبلييز لي رديت ابي بارت حتى لو واحد بس

 

[rawona]

اوكي اشوي وانزل بارت يديد ..


:33_1185028183:​

 

[aldana]

شاااااااااااااطره رونه .............تكفين مافينا صبر للعصر
كملي لاخر الدوام
تو الناس باقي ساعتين .. يطلع منهم 4 بارتات <<<<<<<<<<<طمااااااااااعه

 

[esperanza]

عااااشت روونه

أيوااا روونه

يعطيها العافيه روونه ..

وعدل عدل الدانه

أربـــع بارتات حلويييييين

 

[ملكة زماني]

يعطيج العافيه خوووش قصه بس انا ماكملتها وقفت عند صفحة 8 وانشالله باجر اكمل

 

[Shima-Style]

لايـــــــــــــــــــووووقف
لايـــووووقف
لايوقف

 

[rawona]

طول ما اهم ماشين صوب نقطة التفتيش والبوابه وشيخه مكسور خاطرها على طلال .. مو راضي يخليها اتشيل جنطة اللاب توب مالتها .. لانه بعد كان شايل جنطته .. خلصوا من التفتيش واوصلو عند البوابه .. راح طلال شرالهم كوفي ورد قعد ينطر معاها حزة الاقلاع .. سولفوا اشوي عن لوية الايام اللي طافت وسألها طلال اذا سجلت موادها للكورس الياي والا للحين ..

شيخه: سجلت جم ماده والباجي اسجلهم قبل لا ارجع بالانترنت .. للحين محتاره شاخذ وفتره التسجيل راح يبطلونها مره ثانيه من تاريخ 11/1 لين 20/1 فعندي وقت انشاءالله ..

طلال: انشاءالله .. والله ولهـــــــــــــــان على الديره! هالمره احس اني متشفق على الرده حيل! غير كل مره!

شيخه تبتسم: ليش يعني هالمره غير؟

طلال: مادري .. بس احس انها صج غير!

اعلنوا عن الرحلة واطلبو من ركاب الدرجة الاولى الدخول اول ..

راحوا طلال وشيخه واصعدوا الطياره .. اقعدت شيخه بكرسيها يم الدريشه .. وكان كرسي طلال .. وراها بسطر بس بالنص مو واراها على طول .. نطر طلال بمكانه على مايصعدون باجي الركاب علشان يقدر ايبدل كرسيه ويقعد يم شيخه..

قعد شاب كويتي يم طلال وسلم عليه يوم شافه .. نطر طلال اشوي قبل لا يكلمه .. وشاف مره كبيره اشوي اتيي وتقعد يم شيخه!!

حس انه بينفجر!! اشهالحظ!! مايقدر يكلم المره ويقولها تعالي بدلي معاي وقعدي يم هالريال!!! كان وده يسويها بس حس انه بيطلع جليل حيا.. فما كان بيده الا انه يبلعها ويسكت!

التفتت شيخه صوبه واضحكت يوم شافت تعابير ويهه .. ودزتله مسج على موبايله ..

"هارد لاك!"

خزها طلال بحقد وسكت مارد عليها !

ارتاحت شيخه اشوي واسترخت بمكانها .. واقدرت عقب ماطارت الطياره انها اتغفي واتنام! .. وقبل لا يوصلون مطار امستردام "للترانزيت" بساعه .. اقعدت والتفتت صوب كرسي طلال لقته رايح بسابع نومه! ابتسمت وعدلت قعدتها واقعدت تتسلى في برامج الميديا اشوي!

ماصار في مجال لطلال وشيخه يسولفون خلال الرحله الا في ساعة الترانزيت .. وعقبها كل واحد رجع مكانه .. واقعدوا فيه لي نهاية الرحلة..

وصلت الطياره مطار الكويت .. وكانت شيخه قاعده ترتب كتبها ومجلاتها اللي كانت تتسلى فيهم بالرحله .. رتبت شكلها .. وحطت اشوي ماسكارا على رموشها .. وغلوس خفيف ..

طالعت صوب طلال .. لقت كرسيه فاضي.. طالعت جدامها وانطرت .. ماباجي شي على الوصول .. هالمره طولت بامريكا بعكس رجعتها اللي طافت كانت بعد 3 اشهر وهالمره ماشافت الكويت من فتره طويله..

مر طلال جدامها واهو راد من "الريست روم" وابتسملها .. كل مره يبتسم لها فيها اتحس انه قلبها بينشلع من مكانه .. وفجأة استوعبت انها ماراح اتشوفه لفتره طويله .. وضاق خلقها حيل..

عدل طلال جنطة اللاب توب مالته .. وحط لغراضه داخل .. كان يرتب شغله بعصبيه .. وكان حده متنرفز! .. مو قادر يتصور بعد هاليوم الحلو اللي قضاه مع شيوخه بالمول انه ماراح يقدر يشوفها او يكلمها طول هالفتره! .. وغلق وتعكر مزاجه...

اول ما اطلعت شيخه ويمها طلال من بوابة الطياره لقت ابوها ناطرها على الباب .. افرحت وانصدمت من هالمفاجأة لمت ابوها حيل وسلمت عليه وباسته على راسه .. وقف طلال وراها ينطرها اتخلص وسلم اهو بعد على بو مشعل..

بو مشعل: الحمدلله على سلامتكم.. نورتوا الديره ..

شيخه: الله يسلمك يبه ..

طلال: الديره منوره فيكم والله ..

بو مشعل: ها شلون رحلتكم عسى ما تعبتوا ؟

واقعدوا يسولفون له عن الرحله لين خلصوا الجوازات وراحوا ينطرون الجناط .. واهني تلاقت عيونهم .. نظرتها الحزينه بنظرته المغلقه! .. وحست جنهم صاروا اغراب عن بعض.. والمسافه بينهم اكبرت حيل ..

خذا ابوها اجناطها .. وسلم على طلال .. ومشوا وخلوه! قلبها عورها حيل .. وكان ودها تلتفت صوبه واطالعه نظره اخيره!

اطلعت شيخه وابوها من بوابه الوصول .. ولقت الكل قام يتلقفها من صوب! امها ودلال واخوها مشعل واعيال اخوها الصغار .. وعزيزان.. والمفاجأه!! حنون رفيجتها وريلها كانوا موجودين ..!! بجت شيخه يوم شافت حنان واحضنتها حيل! .. وراحوا كلهم صوب المواقف .. والكل كان بيتيمع في بيت بو مشعل .. واهي طالعه المحت شيخه بطرف عينها اهل طلال .. بس ماشافوها فكملت طريجها واطلعت برا المطار..



******************************** يتبع!

​

 

[aldana]

waiting
waiting
waiting
waiting
waiting
waiting

 

[rawona]

4 بارتات يالظالميـــــــــــــــن؟؟؟



خلاص راح اكتب الحين وباشوف شيطلع معاي ... تستاهلوووووووووووون :33_1185028183:
​

 

[rawona]

كان طلال "امنفس حده" .. واللي زاد الطين بله ان جناطه تأخروا وللحين واقف ينطرهم!! اعصابه شدت وضغطه ارتفع .. ونطر ..نطر.. نطر... بس وقف سير الجناط وجناطه ما بينوا!!

راح سال عنهم وقالوله انه مو بس اهو وايد ركاب ماوصلت اجناطهم ... لانهم ناسين كونتينر كامل في مطار امستردام!! وراح يوصلون مع الرحله اليايه بعد يومين!

طلال: اكملت!!! اشهالحظ؟!! اول شي ما اقعد يم شيخه والحين الجناط مو اهني!

عطاهم طلال مواصفات الجناط ولونهم وكتب بياناته وحط رقم التليفون .. وطلع..

استانس وايد يوم شاف امه وخواته واخوه فهد ياشرون له من بعيد واول واحد سلم عليه ابوه .. حب راسه ولقى نفسه من حضن لي حضن .. الكل يحبه ويسلم عليه ويتحمد له بالسلامه .. واستغرب يية عمه بو وليد ومرته وعياله!! شاف فاطمه تبتسم له .. وسلمت عليه .. ورد عليها السلام .. والتفت اشوي والا يلاقي ربعه ناطرينه! (سالم وضاري وعبدالرحمن) استانس وايد يوم شافهم ومشى معاهم يوصلونه السياره .. وتفاجأ ان عمه واهله باييون عندهم في البيت وبيتسحرون كلهم مع بعض!


*************************************** يتبع!

​

 

[ام سوسو]

لايكون فطوم وامها السوسه يايين المطار قطيعه

 

[Girlicious]

يعطييييج العافيية ما قصرتي حبيبتي
حدااا البارتات حلوووووه
كملي بعد جم بارت لي نهايه الدوام <<<<<<<<<<<طماعه

 

[rawona]

بيت بو مشعل..

عقب السوالف والضحك والسحور وعقب ماراحت حنان وريلها .. وانسحب مشعل ومرته .. حبت شيخه امها وابوها واستأذنت منهم تروح ترتاح وتنام بدارها .. واول ما حطت راسها على المخده غطت بنوم عميق..!


بيت بو طلال

ام طلال: اشفيك حبيبي ماتاكل ؟ انا عاد موصيتهم يسوون لك الاكل اللي اتحبه!

طلال: كليت والله يمه الحمدلله .. ودي اكل بعد بس شبعت .. الظاهر من تعب السفر ..

ام وليد: يالله انشاءالله ترتاح هاليومين قبل العيد .. ترى غدا العيد في بيتنا .. ودور الاسبوع عمك مسوي عشا على سلامتك..

طلال: ماله داعي والله اتكلفون على نفسكم! (حده مستغرب التغيير)
بو وليد: لا فيها كلافه ولا شي .. اذا ما اسوي عشا لولد اخوي؟ اسويه لمنو؟

طلال: مشكور عمي ما تقصر ..

وعقب ما خلصت السهره على خير .. ركض طلال غرفته .. وبطل ايميله ودز اهداء لشيوخه! وراح خذا شاور ونام!


اقعدت شيخه على الساعه 5 الفير تقريبا.. حست انها اشبعت نوم .. صلت وعقب ماخلصت اشبكت على الانترنت وجيكت ايميلها..

افرحت حيل يوم شافت اهداء طلال!

الاهداء: وحشتني سواليفك- راشد الماجد

الرساله: شيوختي .. ما تتصورين اشكثر ولهان عليج! والله فاقدج موووووووت! اتصدقين.. ودي اسحبج من ايديج واييبج معاي اهني .. واقول للكل .. ان هذي بس! هذي بس اللي ملت قلبي وعيوني .. هذي بس اللي احبهاااا مووووت! يالله ياقلبي .. ناطر اسمع اخبارج .. لا اطولين علي!

المرسل: حبيبج طلال ..

حست شيخه انها بتموووت من كثر ما اهي ولهانه عليه! .. ودزتله ايميل مختصر عن كل الاحداث اللي صارت معاها من اوصلت لي الحين .. واختمت ايميلها باهداء اغنية احلام "احتاجك انا" ..

والله احتاجك انا .. خلك بجنبي قريب ..

وان حصل شي بيننا .. عن حياتي لا تغيب..

انا من بعدك اتوه.. وعالمي بعدك يضيق..

تختلط عندي الوجوه .. العدو يصبح صديق..

قلبك البيت الكبير .. اللي ظللني بوروده ..

واصبح الحلم الاخير ... صعب ابعد عن حدوده!!!

اللي تموت فيك: شيوخه!

ودزت الايميل!


***************************** يتبع!


​

 

[Shima-Style]

الله يعطيج العاااافيــه .. كملي لايــــــــــــــــووووقف .. لايــــوووووقف

 

[esperanza]

وااااو حبيبتي روونه .. يعطييييييج العااااااااااافيه والله تسلميييييييييين :***

ناطريييييينج

 

[بدوره 22]

يا حلوووووووووووووووهم ما شاء الله زووووووووووووووغه

كملي كملي كملي

 

[روح كويتيه]

يسلمووووووو رووونة

يعطيييج العاااافيه الغلاااااااا


الصراحه بارتااات ولا اروع مثلج